________________
सुमइनाह - चरियं
जं तइया वणिपुत्तो तुमए दिट्ठो दढाणुराएण । मुणियं मए वि एयं भिक्खत्थं तुह गिह- गएण || २७४७ || १३ सा भणइ वणि- पुत्तो न मए मयणाउराइ सच्चविओ । किं आलोएमि ? तओ भणइ गुरू- किं तए न सुया ? || २७४८ ।। मण- चिंतिय-अइयारं अकहेत्ता गारवेण गुरु-पुरओ । तिव्व-तवच्चरण-रया वि लक्खणज्जा गया कुगई || २७४१||
तहाहि
धरणिपइडिय - नयरे आसि निवो जंबुदाडिमो नाम । देवी य सिरिमई से बहु पुत्ता किंतु नत्थि सुया ||२७५०|| कुलदेवय- उवाईय-सएहिं धूया कमेण संजाया । सुलक्खण त्ति नामेणं लक्खणा तेहिं सा वुत्ता ||२७५१|| अइ-वल्लह त्ति काउं तीए रन्ना सयंवरो विहिओ । चउरी - मज्झम्मि मओ तब्भत्ता दिव्व- जोएण || २७५२|| राया वि सोग - विहुरो भयमाणिं लक्खणं भणइ एवं । वच्छे ! मच्चुमुवेंतं सक्को वि न सक्कए खलिउं ॥ २७७३ || ता पुत्ति ! तुज्झ एयं पुव्वज्जिय-कम्म- परिणइ - वसेण । विहवत्तं संजायं नीसेस- दुहाण जं ठाणं ॥ २७७४|| चरसु तवं कुणसु दयं दाणं वियरेसु रयसु जिण - पूयं । पढसु य वेरग्ग- सुयं उब्भड वेसं विवज्जेसु || २७५५ || विहवाण छड्डियाण य पउत्थवईयाण तह य समणीणं । धम्म-निरयाण दियहा जंता वि हु नेव नज्जंति || २७५६ || इय पन्नविया रन्ना धम्मपरा लक्खणा गमइ कालं । अह तत्थ तित्थनाही केवलनाणी समोसरिओ || २७५७।।
४०३
गओ राया जंबुदाडिमो वंदणत्थं सपरिवारो । वंदिऊण निसन्नो सहाणे । परूवियं भयवया संसारासारत्तणं । संविग्गो राया पवन्नी सदारो सपुत्तो लक्खणाए समं दिक्खं । अप्पियाणि सव्वाणि थेराणं । तेहिं पि समणीओ पवत्तिणीए । पढंति सुत्तं कुणंति तिव्व तवं । कयाइ पयट्टाई गणि- जोगे ।
Jain Education International
For Private & Personal Use Only
www.jainelibrary.org
