________________
४०१
सुमइनाह-चरियं
ता सुहय ! तं मयच्छिं निय-संग-सुहारसेण निव्ववसु । जेण पर-पत्थणा-भंग-भीरुणो हुंति सप्पुरिसा ||२७२६।। तो पत्तो धणमित्तो तग्गेहं गहिय-अवरवेसाए । तीए वि रंजिओ तह एक्कचित्तो जहा जाओ ||२७२७|| भुंजइ उदार-भोए अह जाओ ताण नंदणो एक्को । पडिबोहिओ इमीए जिणिंद-धम्मम्मि धणमित्तो ||२७२८।। तो संवेग-परिगओ जंपइ जं परिणिऊण विउलमई । कूव-कुहरम्मि खित्ता मए अकज्जं तमायरियं ||२७२१।। ता तं कूवाओ कहिऊण पुणरवि इहागमिस्सामि । इय भणिउं संपत्तो जयउर-नयरम्मि धणमित्तो ||२७३०।। आगंतूण पविठ्ठा पुव्वं चिय कूवयम्मि विउलमई । आयडिया य इमिणा कूवाओ नरयरुवाओ ||२७३१|| दिहा पुत्त-जुया सा तो विम्हिय-माणसेण संलत्तं । माइंदजाल-तुल्लं किमेयमवरुप्पर-विरुद्धं ? ||२७३२|| विउलमईए कहिओ सव्वो निय-वइयरो तओ तुहो । धणमित्तो भणइ-अहो ! मइ-माहप्पं मह पियाए ||२७३३।। घरसामिणिं विहेउं तं चिय भुंजइ अणुत्तरे भोए । जिणपूया-गुरुसेवा-कउज्जमो गमइ दियहाई ॥२७३४।। अह तत्थ दिव्वनाणोवलद्ध-भव-भावि-भाव-सब्भावो । भवदेवो नाम गुरू नयरुज्जाणे समोसरिओ ||२७३५।। पत्तो धणमित्तो तस्स वंदणत्थं कलत्त-संजुत्तो । तं वंदिउं निसलो धम्मकहं सोउमाढत्तो ||२७३६।। पुच्छइ समयं लहिउं-किं विहियं मह पियाए पुव्व-भवे ? | जेण विसुद्धा बुद्धी भोगा विउला य संपत्ता ||२७३७|| गुरुणा वुत्तं-सोम ! सुण,
आसि कुसउरे नयरे भाणुदेवस्स सिहिणो अपुत्तस्स रोहिणी धूया । सा य विहवा, ववहारे करेइ पिउणो साहिज्जं । कयाइ नव-जोव्वणे वट्टमाणो मयणो व्व रूवेणं समागओ गिहं देसंतराओ वणियपुत्तो । तं च
For Private & Personal Use Only
Jain Education International
www.jainelibrary.org
