________________
४००
सिरिसोमप्पहसूरि-विरइयं भणियं-को इत्थ पच्चओ ? | जिणदत्तेण वुत्तं-तुह गिह-गवक्खे जामिणी-जाम-चउक्वं पि पज्जलंतो पईवो मए दिहो त्ति पच्चओ । धणमित्तेण वुत्तं- पईव-पलोयणेण ते सियं पणलं, अओ न देमि । जइ तुमं तं न पलोयंतो ता अहं ते दीणार-लक्खं देमो । विलक्खीभूओ जिणदत्तो गओ स-गिहं । कहियमेयं निय-धूयाए । तीए वुत्तं-मा करेसु खेयं ।
__ अन्न-दिणे सामग्गिं काऊण निमंतिओ भोयणत्थं धणमित्तो । आढत्तो भोत्तुं । सिणिद्ध-सलवण-भोयणाओ पिवासिएण मग्गियं अणेण जलं । विउलमईए वृत्तं- सीयल-सलिल-समग्गाओ अग्गओ गग्गरीओ इमाओ पेच्छिऊण वुच्छिन्न-तण्हो होसु । धणमित्तेण वुत्तंकिमेयासिं दंसणेण पणस्सइ तन्हा ? । विउलमईए हसिऊण भणियंजइ पईव-दंसणेण सीयं पणस्सइ, ता एयासिं दंसणेण कि न तुण्हावगमो होइ ? ति । अहो ! इमीए मइ-माहप्पं ! । कयं कयपडिकयं । ता पुणो वि कायव्वं किं पि विप्पियं मए इमीए । संपयं तु न अल्लो उवाओ ति चिंतिऊण भणियं धणमित्तेण- गिण्ह लक्खं, पाएसु पाणियं । तहेय कयं विउलमईए । भुत्तुत्तरं[दाऊण] धणं मग्गिओ धणमित्तेण जिणदत्तो- 'देसु मे परिणयणत्थं धूयं ।' 'आलोविऊण देमि' त्ति भणिऊण जिणदत्तेण भणिया रहसि धूया-वच्छे ! लक्ख-गहणविलक्खो इमो तह विडंबणं काउमिच्छंतो तुमं परिणेउं मग्गइ त्ति संभावेमि, ता किं कायव्वं ? | तीए वुत्तं-देसु ममं । करिस्सं अहं सव्वत्थ-सुत्थं । दिन्ना तेण | परिणीया इयरेण । विवाहाणंतरं चेव खित्ता भवणब्भंतर-कए कुवए, भणिया य-इह हिया कंगु-कूरमाणयं खायंती कप्पासं कत्तंती ताव चिट्ठ जाव ते पुत्तुप्पत्ती होइ । पच्छा निग्गच्छिज्जा । सयं पुण पत्थिओ अत्थोवज्जणत्थं, पत्तो तामलित्तीए अच्छे । इयरीए धणमित्त-चित्तं नाऊण अणागयं खणाविया पिइहराओ सुरंगा । तीए निग्गंतूण गया सिग्धं तामलित्तीए । धणमित्तावास-पासे पासायं घेत्तूण ठिया विउलमई । पेसिया सिविखविऊण अणाए निउणिया निय-चेडी धणमित्त-पासं । भणिओ तीए इमो- अम्ह सामिणी कामलया नाम गुणाणुराइणी न पुरिस-मित्ते चक् पि खिवइ, अज्ज पुण तुमं दहूण साणुराया जाया ।
Jain Education International
For Private & Personal Use Only
www.jainelibrary.org
