________________
३१५
सुमइनाह-चरियं
अह न कहइ सो पच्छा नायम्मि सरीर-निग्गहो दंडो । सोऊण इमं चित्तम्मि चिंतए मित्तसेणा वि ||२६८७।। संपइ कहिज्जमाणे लाभो पच्छा उ निग्गहो होही । तत्तो वरं इयाणिं कहेमि तो कहियमेईए ॥२६८८।। रुहो य ठक्कुरो माहणरस तो पडहगम्मि वज्जते । कहियं सब्भावं पिंगलस्स गेहम्मि स निलुक्को ॥२६८१।। तो ठक्कुरेण भणियं-को तं लहु लहइ ? जंपए दासो । देव ! लहेमि अहं तो दिवायरो तेण आणीओ ||२६१०।। अणुवकए उवयारं कुणंति जे ते जए सलाहिज्जा । उवयारिणि अवयारीण 'पुणो न नामं पि घेत्तव्वं ॥२६११|| अह ठक्कुरो पयंपइ कयग्घतिलओ दिवायरस्स लहुं । उप्पाडह नयणाई छिंदह हत्थे य पाए य ||२६१२|| जं आणवेइ देवो तं कीरइ इय पयंपए दासो । लग्गो य परियणो देव ! खमसु से एक्कमवराहं ||२६१३|| न खमेइ ठक्कुरो परियणेण भणिओ पुणो वि करुणाए । जं आणवेइ देवो दंडं अवरं तं करेमो ||२६१४|| तो ठक्कुरेण भणियं-न इमा वत्ता वि तस्स निब्बंधे । भणइ इमो-जइ एवं ता तं चिय मोरमाणेउ ||२६१५।। तो मोरमप्पिओ ठक्कुरस्स पाएसु निवडिउं भट्टो । भणिओ य ठक्कुरेणं तुह अवराहो इमो खमिओ ||२६१६|| मा पुण एवं काहिसि पडिवनमिणं दिवायर-दिएण । दिहो दोसो नीयाण संगमतो गओ तत्तो ||२६१७।। पत्तो य मंगलउरे समग्ग-मंगल-समग्गले जत्थ । देहावयवं मोत्तुं बाहं लोया न याति ॥२६१८|| तत्थत्थि पुन्नचंदो राया चंदो व्व कय-जणाणंदो । वर-नीईलया-कंदो पडिवक्ख-पयाव-दव-कंदो ॥२६१।। गुणचंदो नामेणं तस्स सुओ विस्सुओ बहुसुओ वि । उत्तमगुणो त्ति तमिमं दिवायरो सेवए कुमरं ||२७००।।
Jain Education International
For Private & Personal Use Only
www.jainelibrary.org
