Page Text
________________
३१६
सिरिसोमप्पहसूरि - विरइयं
तेण मणोरहदत्तो सिद्धी मित्तीकओ विसिहोति । विहिया वसंतसेणा विलासिणीए य सह मित्ती || २७०१ ||
अह अन्नया कुमारो हरिओ विवरीयसिक्ख - तुरएण । तस्साणुमग्ग - लग्गो दिवायरो धाविओ ने ||२७०२ ||
वच्चंतेण दिवायरेणं एक्कामलगीए गहियाणि तिन्नि आमलगाणि, मुक्कवग्गो य ठिओ आसो । मिलिओ कुमारस्स दिवायरो वच्चति सणियसणियं । तण्हाभिभूएण भणिओ दिवायरो रायपुत्तेण कहिं चि अत्थि पाणियं ति । निरूविऊण साहियं दिवायरेण-देव ! न ताव दीसइ । सुकुडतालुगस्स कुमारस्स दिन्नमेगमामलगं । आसायंतो गओ थेव - भूमि कुमारो । पुणो वि पुच्छिए पुणो वि दिव्न्नं बीयं । पुणो वि तईयं । उत्तिन्ना कंतारं | रायपुत्तेण चिंतियं नत्थि एयाण आमलगाण अग्घो, मा विस्सरहि त्ति तिसंझं सुमरेइ । कमेण जाओ राया रायपुत्तो । कओ णेण दिवायरी मंती | अइक्कंतो कोइ कालो । परूढा पीई सह सिद्विणा विलासिणीए य | संपन्नाइं दोण्हं पि अंतेउराइं । जाओ पुत्तो नरवइस्स | सो मंति-गेहे बहुसो कीलइ । दिट्ठो आवन्नसत्ताए मंतिघरिणीए । गब्भदोसेण जाओ कुमार-मंसे दोहलो इमीए । न साहिओ दिवायरस्स । दुब्बलीभूया एसा । पुट्ठाए साहिओ तस्स । तेण भणियं कित्तियमेयं ? | वीसत्था चिसु त्ति । तीए पिच्छंतीए गहिओ रायपुत्ती । संगोविओ पयत्तेणं । दिनं अन्नं मंसं । संतुट्ठा भट्टिणी । पुन्नो से दोहलो । कया पच्छन्न- भूमिहरे जेण न किंचि वुत्तंतं जाणइ ।
1
Jain Education International
इओ य रायभोयणवेलाए गवेसिज्जइ रायपुत्तो । निरूविओ मंतिगेहे । मंतिणा भणियं आगओ आसि, गओ तयाणिं चेव । एवमेयं ति पडिवन्नं रन्ना । मूलसुद्धीए गवेसिज्जइ जाव। दिट्ठो मंति-गेहे पविसंतो न उण नीहरंतो त्ति जाओ पवाओ, मुणिओ मंतिणा । तओ गंतूण साहियं मणोरहदत्तस्स जहा- 'भट्टिणीए दोहलय - कज्जे मए कुमारो वावाईओ'त्ति को एत्थ उवाओ ? । तेण भणियं - तुहिक्को अच्छसु । एवं वसंतसेणाए वि साहिओ । तीए वि इमं चेव भणियं । पयट्टो पडहगो - 'जो कुमारवुत्तंतं साहेइ तस्स जं मग्गियं दिज्जइ । पच्छा नाए लेससंगेणावि सरीर - निग्गहो' । सुओं सो वसंतसेणाए । चिंतियं तीए गरूओ निबंधो देवरस | नं इमं अजाणियं अच्छइ, तो छिवेमि पडहगं, जेण इओ चेव
-
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |