________________
३१४
सिरिसोमप्पहसूरि-विरइयं अन्यदा-'समाज-शील-व्यसनेषु सख्यं'। एयस्स पुव्व-पाया पुट्ठा रन्ना सहाए दिव्व-वसा । केणइ न तत्थ पढिया पढिया य दिवायरेण इमे ।।२६७४|| मृगा मृगैः सङ्गमनुव्रजन्ति, गावश्च गोभिस्तुरगास्तुरङ्गैः । मूर्खा श्च मूर्खः सुधीयः सुधीभिः [समानशीलव्यसनेषु सख्यम् ।।२६७५।। एवं पढिए तुडेण राइणा जंपिओ इमो-मग्ग । किं ते देमि ? दिओ वि हु जंपइ पहु-कज्ज-सज्ज-मणो ।।२६७६।। देव ! मह सामिणो नत्थि जीवणं तस्स जीवणं देसु । साहति हि सप्पुरिसा पहु-कज्जं अभणयंता वि ||२६७७।। चुलसीइ-गाम-जोग्गस्स तस्स रन्ना लिहावणेण विणा । अहहम-गाम-सएहिं संगयं सिरिउरं दिन्नं ॥२६७८।। तो "ठक्कुरस्स पासे भट्टो गामं इमरस सो देइ । जंपइ य-तुह अहं पि हु एक्वं कज्जं करिस्सामि ||२६७।। तेण भणियं-पसाओ ति मज्जमत्तस्स पिंगलस्स दढं । गालि-पयाणपरस्स य कयाई कोवं गओ राया ||२६८०।। आढत्तो से जीहा-छेयं काउं दिवायरेण तओ । भणियपसाएण इमो विमोइओ मित्त-नेहेण ||२६६१|| अह जाया गब्भवई दासी तीसे मऊर-मंसम्मि । संपत्तो दोहलओ दियरस अक्कोसिउं कहिओ ||२६८२।। सो भणइ-नत्थि अन्नो रन्नो कीलाकलाविणं मत्तं । तो तं चिय गिह-पत्तं निहणिस्सं तुह सिणेहेण ||२६८३।। भवणंगणे भमंतं पुरओ दासीए गिहिउं मोरं । बाहिं गंतूण इमं दिवायरो ठवइ देवउले ||२६८४|| अन्नं मंसं दासीए देइ सा पुन्नदोहला तुहा । एत्तो य गवेसिज्जइ मोरो लब्भइ न जा ताव ||२६८५।। कुविएण दाविओ ठक्कुरेण पडहो मऊर-वुत्तंतं । जो कहइ तस्स दिज्जइ दम्महसयं च अभयं च ||२६८६।।
Jain Education International
For Private & Personal Use Only
www.jainelibrary.org