________________
३१3
सुमइनाह-चरियं
अंबस्स य लिंबस्स य दोण्हं पि समागयाइं मूलाई । संसग्गीय विणहो अंबो लिंबत्तणं पत्तो ।।२६६३।। इय जाणिऊण निउणेण परिहरंतेण नीय-संसग्गं । आमलगमाहणेण व उत्तम-संगो विहेयन्वो ||२६६४|| तहाहि
[२. उत्तम-सेवायां दिवाकर-कथा]
अत्थित्थ भरहवासे बंगा नामेण जणवओ विउलो । तस्स पुरी विस्सपुरी चउब्भुओ माहणो तीए ॥२६६५।। तस्स य दिवायरो नाम नंदणो तेण विमलमईणा वि । तरुणत्तणे न सम्मं पढिया विज्जा अणज्जेण ॥२६६६॥ मरण-समयम्मि पिउणा भणिओ सो-वच्छ ! उभयभव-सुहया । विज्जा सयल-जणाणं विप्पाण पुणो विसेसेण ||२६६७|| वरं गर्भ-स्रावो वरमृतुषु नैवाभिगमनं, वरं जातः प्रेतो वरमपि च कन्यैव जनिता । वरं वन्ध्या भार्या वरमगृहवासे प्रयतितं, न चाऽविदान् रूप-द्रविण-बल-युक्तोऽपि तनयः ॥२६६८|| विज्जारहिओ य तुमं परस्स सेवाए वट्टिहसि नूणं । ता उत्तमस्स संगं करेज्ज मुत्तूण नीय-जणं ॥२६६१।। तेण पडिस्सुयमेयं चिंतियमह नीय-संगमे दोसं । पेच्छामि जेण पच्छा निच्चल-चित्तो अहं होमि ||२६७०।। तत्तो इमो पयट्टो भइह जरठक्कुरस्स सेवाए । घडिया तद्दासेणं पिंगल-नामेण सह मित्ती ॥२६७१।। विहिओ तहा सिणेहो तग्घरदासीए मित्तसेणाए । सो रायचारिगो ठक्कुरेण ठविओ वियहो त्ति ||२६७२|| जयनयर-नयरपहुणो वियारधवलस्स निच्च-सन्निहिओ । रंजवइ वयण-विन्नास-कोसलेणं इमो लोयं ||२६७३।।
Jain Education International
For Private & Personal Use Only
www.jainelibrary.org
