Sumainahchariyam

SR No.: 001386
Original Sutra Author: Somprabhacharya
Author: Ramniklal M Shah, Nagin J Shah
Publisher: Prakrit Text Society Ahmedabad
Publication Year: 2004
Total Pages: 540
Language: Prakrit
Classification: Book_Devnagari, Literature, & Story
File Size: 8 MB

Page 42

सुमनाह-चरियं
૧૭
उवहससि ? ता दंसेमि ते दुन्नयस्स फलं, तालफलं व तड त्ति तोडेमि ते सीसं ' ति भणिऊण समुग्गीरिय-खग्गवग्ग - हत्थो पत्थिओ पत्थिवाभिमुहं महावेगेण ।
तओ नरिंदरस पवर" - पुन्न- पब्भारस्स प्पभावेण पडिहय- माहप्पो समीव-देसं " अक्कमिउं असक्कमाणो 'अहो ! महच्छरियं एसो "अनन्नसामन्न - सत्ती को वि महापुरिसो, न पागय- नरो व्व अम्हारिसेहिं खोभिउं तीरइ' त्ति चिंतंतो लज्जावस-विलक्ख-वयणो उवसंहरिऊण सयल डंबरं, पडिवज्जिऊण जणिय- लोयणानंदं अमंद - रयणालंकार-किरणकरंबियंबरतलं पसंत रूवं भणिउं पयट्टो- 'भद्द ! सप्पुरिस ! पराभूयसयल - सत्तं तुह सत्तं विजिय-जियलोय - दप्पं माहप्पं, अविमुक्तनयक्कमी विक्कमी, जयस्स वि अजेयं तेयं, सयल - तेलोक्क-तिलयभूओ तुमं, जस्सेवंविहा परमहिल- परम्मुहा मई, सव्वहा सच्चरिएण पवित्तिया तुम धरणी, अहं पि किं पि संपइ पवित्तो जाओ जेण तुमं दिडो सि' । अह विम्हिएण भणियं रन्ना 'भो महायस ! को तुमं ? न पच्चभिजाणामि भवंतं, साहेसु ।'
5
--
पिसाएण भणियं- 'अहं पिंगलक्खो महिड्डिय-वंतरी, इहेव रख्ने कला | संपयं पिययमाए मह पुरओ रुयंतीए वागरियं जहा - 'हं तमालतरु-निगुंजे वट्टमाणा माणवेण इमिणा पत्थिया" अणेगप्पयारं, न य पडिवन्नं मए तव्वयणं, तओ तेण रुद्वेण इत्थमित्थं च कंठे घेत्तूण निच्छूढा, असब्भ-वयणेहिं खरंटिया, एवं ठिए य जइ " तुमं इमं न निगिण्हसि ता नाह! नाहं तुह भज्जा, न तुमं मह पई ।' इमं च सुच्चा तक्काल-कलिय- कोवावेस - परवसणेण अविभाविय - कज्जमज्झो पुव्वं निय - परिवारं पेसिऊण तुमं विद्दविउं पयट्टो हं । परिवारो वि मज्झ तुब्भ तेयमसहमाणो तक्खणा जिप्पुन्नय- पुरिस ववसाओ व्व अकय- कज्जो नियत्तो । पच्छा सयमेव समुडिओ हं । परं तुह अच्चब्भुय- पभावपहियप्पयावी समासन्न -देसं पि अक्कमिउं असक्को म्हि किं पुण पहरिउं ?। तओ मए 'सच्च-सोय-रहियाणं पर- महिलाहिलास - लालसमाणसाणं माणुसणं माहप्पमेरिसं न संभवइ, ता किं जं पिययमाए जंपियं तं सच्चं न व ?' त्ति चिंतंतेण विभंगबलेण नायं जहडियं तुह सरूवं, निच्छियं पिययमा-पलत्तस्स अलियत्तणं, तुट्ठो य ते जणिय- सप्पुरिस
-