________________
सुमइनाह-चरियं
जह पत्तो पंचत्तं तो गड्डा-सूयरो समुप्पन्नो । भक्तो असुइं चिय लोहंतो असुइ-पंकम्मि ||२६३६|| आहेsय-सुणहेहिं निहओ दद-दसण-धरिय-कन्न - जुओ | सो विरसमारसंतो मरिउं करहो समुप्पन्न ||२६३७||
गुरु-भार- वहण - खित्तो नइ - दुत्तडि पडण- दलिय सव्वंगो । कन्न - कडुयं रडंतो दुस्सह-पीडाए मरिऊण || २६३८|| जाओ गोब्बर - गामे गोधण वणियस्स मूयगो पुत्ती । बहुसो वि नडिज्जंतो अणेय - अविवेय- लोएहिं || २६३१ || निय-जीविय- निव्विन्नो कूवे पडिऊण मरणमणुपत्ती । जाओ नंदिग्गामे ठक्कुर-गेहम्मि दास-सुओ || २६४०|| कइया वि मज्ज - विवसो अमुणंतो अप्प - पर - 1 - विसेसमिमी | निय ठक्करमुक्कोसइ असब्भ-वयणेहिं पुणरुतं ॥२६४१ || कुविएण ठक्करेणं छिन्ना जीहा इमस्स दासस्स । अह पीडा - विहुरंगी सो अइसयनाणिणा मुणिणा || २६४२|| दहूण महुर- वयणेहिं भासिओ भद्द ! कुणसि किं खेयं ? | जम्हा कयं तए च्चिय जं कम्मं तस्स फलमेयं ॥ २६४३|| तहाहि
३११
अज्जुण - जम्म - विणिम्मिय-आगम-निंदा-फलेण जाओ सि । छागो खरो वराहो करहो तह [य] मूयगो दासो || २६४४|| एवं सोच्चा सो जाय जाईसरणो मुणिं पणमिऊण । पच्छायाव - परिगओ अप्पाणं निंद बहुसो || २६४५ || पंच-परमिहि-मंतं मुणिणा दिन्नं मणम्मि धरमाणो । मरिऊण एस जाओ तुममिह नरसुंदरी राया || २६४६ || पुव्व-भवब्भासेणं नाहियवाओ इहावि तुह जाओ । एयं सोउं जायं जाईसरणं नरवइस्स ||२६४७|| भणियं अणेण - भयवं ! अवितहमेयं तए जमुवइहं । ता मुत्तुं रज्जमिणं चरेमि चरणं तुह समीवे ॥२६४८||
Jain Education International
For Private & Personal Use Only
www.jainelibrary.org
