________________
३८७
सुमइनाह-चरियं
वच्चंतेसु दिणेसुं विस्संभगयस्स मज्ज-मज्याम्मि । दाऊण विसं विसमं इत्ति पणहो सयं जोगी ।।२६१ ।। राया वि विस-वियारेण पीडिओ विगय-चेयणो जाओ । हाहारवं कुणंता मिलिया सव्वे पहाण-जणा ||२६२०।। हक्वारिया अणेहिं सपच्चया मंतवाइणो बहवे । विस-निग्गहोवयारो सवित्थरं तेहिं पारद्धो ||२६२१।। नवरि संजाओ विहलो ऊसर-खित्तम्मि बीय-निवहो व्व |
पुरिसम्मि वीयरागे तरुणीण कडक्ख-नियरो व्व ||२६२२।। विसन्ना मंतिणो | अक्कंद-सद्द-गब्भिणं करयल-पहय-थणवट्टतुत-हार-दंतुरिय-भूमियलं मिलियमंतेउरं । मओ ति करिणीखंधमारो विऊण निओ मसाणं राया । ठविओ जाव चंदणागुरु-कढनिचियाए चियाए ताव उम्मिल्लिय-लोयणो तक्खणुप्पन्न-चेयणो चईऊण चियं जंपिउं पवत्तो-किमेयं ? ति । पणमिऊण भणियं सुमइ-मंतिणादेव ! तुम्ह उग्ग-विसं दाऊण [नहो] दुह-जोगी, बहुप्पयारे विसनिग्गहोवयारे कुणंताणं पि अम्ह न जाया तुब्भे सचेयणा, ता अओ परं जं कीरइ तं काउमाढत्तं । रन्ना वुत्तं- संपयं वण-पवण-संगेणावि कहं अहं निव्विसो जाओ ? | सुमइणा वुतं-देव ! दिव्वो जाणइ, किंतु मए एयं सूयं आसि जहा- तिव्व-तव-बलूप्पन्न-विविह-लद्धीणं मुणीणं अंग-लग्ग-पवण-संगेणावि निव्विसा हुंति जंतुणो त्ति । रब्ना वुत्तंउवरिभाए पलोएह, अत्थि किं के वि मुणिणो ? | निउत्त-पुरिसे हिं गवेसिऊण कहियं जहा- देव ! पुप्फागरुज्जाणे संपयं चेव चंदो व्व तारएहिं, रायहंसो व्व कलहंसे हिं, सुरकुंजरो व्व कुंजरेहिं, मूणीहिं परियरिओ पवित्त-चरिओ दिग्व-नाणलच्छि - वरिओ समोसरिओ ससिप्पहायरिओ । रना वुत्तं- तप्पभावो संभाविज्जइ जं अहं निविसो जाओ, ता वच्चामि तस्स पासं । गओ सपरिवारो राया, वंदिऊण निसन्नो पुरओ । पारदा गुरुणा देसणा
स्वर्ण-स्थाले क्षिपति स रजः पादशौचं विधत्ते, पीयूषेण त्रिदशकरिणं वाहयत्येन्धभारम् । चिन्तारत्नं विकिरति करादायसोड्डायनाथ, यो दुष्प्रापं गमयति मुधा मर्त्य जन्म प्रमत्तः ||२६२३।।
Jain Education International
For Private & Personal Use Only
www.jainelibrary.org
