________________
३८१
सुमइनाह-चरियं
दहण जणय-जणणिं परियण-भवणाइ वरिस-पज्जाओ । भवियन्वया-वसेणं पुव्व-भवे सुमरए एसो ||२५८१।। चिंतियमणेण चित्ते- सुण्हा जणणी सुओ पिया जत्थ । तं संसार-सरूवं धिरत्थु नड-पिच्छण-सरिच्छं ।।२५८२।। ता वहुयं वि य जणणिं सुयं च तायं कहं पयंपेमि ? | एएण कारणेणं पडिवन्नं तेण मूयत्तं ।।२५८३।। जाओ य लोगवाओ अहो ! इमो मूयगो त्ति सव्वत्थ । एवं तस्स दुवालसमइक्वंताई वासाई ।।२५८४|| तत्थ चउनाणजुत्तो समागओ समणवंद-परियरिओ । पाव-दवानल-मेहो मुणिनाहो मेहनाह त्ति ॥२५८५।। इमिणा मुणिऊण मणं असोगदत्तस्स पेसिओ पासे । गेहम्मि नागदेवस्स वयणे कुसलो रिसी एक्को ||२५८६।। भणिओ य रिसी गुरुणा असोगदत्तो घरंगण-निविहो । तुमए पयंपियव्वो- कुमार ! सुण गुरु-वयणमेयं ।।२५८७।। तावस ! किमि[मि?]णा मोणव्वएण ? पडिवज्ज जाणिउं धम्मं । मरिऊण सूयरोरग जाओ पुत्तस्स पुत्तो त्ति ॥२५८८।। गंतूण तेण रिसिणा गुरु-संदेसो निवेइओ तस्स । नमिउं इमिणा भणियं- कत्थ गुरु ? तो मुणी भणइ ||२५८।। चिहइ कुमार ! सक्लावयार-चेइयहरे गुरू धम्मं । "वागरमाणा तो भणइ मूयगो एह गच्छम्ह ||२५१०।। दहण मूयगं जंपमाणमेयस्स विम्हिया सयणा | चिंतियमिमेहिं -गरूओ अहो ! पभावो मुणिवरस्स ||२५११।। ता वच्चउ गुरु-पासे कइया सोहणतंर भवे तत्थ । गंतूण मूयगो तं नमइ गुरुं पुच्छए तत्तो ॥२५१२|| भयवं ! कहं पुण तुमं मह वुत्तंतं मुणेसि ? तो गुरुणा । भणियं- नाणबलेणं तत्तो विम्हय-रसं पत्तो ॥२५१३।। जंपइ असोगदत्तो नाणाइसओ अहो ! तुह अउव्वो । तो मेहनाह-गुरुणा कहिओ जिण-देसिओ धम्मो ||२५१४||
Jain Education International
For Private & Personal Use Only
www.jainelibrary.org
