________________
૩૮૨
सिरिसोमप्पहसूरि-विरहयं सो हं असोगदत्तो पडिबुद्धो सावगत्तणं पत्तो । इय निय-चरियं वेरग्ग-कारणं ताव मह एयं ।।२५१५।। अन्नं च दुल्लहबोहि त्ति बोहियव्वो अहं तए एवं । सुर-भव-कय-संकेओ लहु-भाया मज्हा संजाओ ||२५१६।। सो कहवि न पडिबुद्धो बहुप्पयारं पि बुज्झवंतस्स |
तत्तो निम्विनो हं पडिवनो संजमं एसो ||२५१७|| चंदणेण भणियं- भयवं ! अवगयं वेरग्ग-कारणं । जइ परिग्गहगिद्धाणं एवंविहाओ विडंबणाओ हुंति, ता मए परिमिय-परिग्गहेण होयव्वं । अओ कहसु कइविहो परिगहो हवइ त्ति ? । कहिओ गुरुणा-धण-धन्न-खेत्त-वत्थु-रुप्प-सुवन्न-दुपय-चउप्पय-कुप्पभएहिं नव-विहो परिग्गहो हवइ त्ति । चंदणेण पडिवघ्नं असोगदत्तमुणि-पासे परिग्गह-परिमाणं । पालए निरईयारं । इओ य अणिच्चयाए जीव-लोगस्स चंदो रेवई य काऊण जिण-धम्मं गयाणि सोहम्मं । चंदणो वि धण-भवण-सयणाइ-परिग्गहे अगिद्धो संतुहचित्तो कुडुंब-वत्तणाइरित्तं वित्तं जिण-मुणि-जणाइ-धम्महाणेसु वियरंतो समाहिणा मरिऊण तत्थेव गओ | चंदजीवो य देवलोगाओ चविऊण तुमं दत्तो समुप्पन्नो । रेवई-जीवो य सुजसा जाया, चंदणो पुण तुम्ह नंदणो देवदत्तो जाओ । जं हरिण-मिहुणस्स हरिण-पोयगो वीस-पल-मित्तं कालं विजोजिओ तेण तुम्हं पि वीस-वासाइं पुत्त-विओगो जाओ । देवदत्तो वि अभग्ग-परिग्गह-परिमाण-फलेण किले सं विणा वि विउल-रिद्धि-भायणं जाओ । एवं सोऊण तिण्हं पि दत्त-सुजसादेवदत्ताणं जायं जाईसरणं । दत्तेण भणियं
जइ एत्तियमेत्तस्स वि संजायं दुक्कडस्स फलमेयं । ता गरुय-दुक्कडाणं परिणामो केरिसो होही ? ||२५१८|| गुरुणा वुत्तं-गुरु दुक्कडाण जीवा तिरिक्ख-नरएसु । पावंति फलं विउलं चिरकालं तिक्ख-दुक्ख-हया ||२५११।। तो दत्तेणं वुत्तं- बहु-दुक्कड-संकडं घरावासं । वज्जित्ता पडिवज्जे पव्वज्जं तुज्झ पयमूले ||२६००।।
Jain Education International
For Private & Personal Use Only
www.jainelibrary.org
