________________
३८०
सिरिसोमप्पहसूरि-विरइयं भणियं- भयवं ! वेरग्ग-कारणं तुम्ह किं जायं ? ||२५६७।। मुणिणा भणियं- सुण सोम ! अस्थि एत्थेव भरहवासम्मि । धम्म-धण-कोसभूया कोसंबी नाम वर-नयरी ||२५६८।। तीए य आसि सिही तावस नामो त्ति भूरि-विभवभरो । निच्चं पमाय-बहुलो विवेय-वियलो अकय-धम्मो ||२५६१|| धण-कण-कणय-कुडंबय-भवणाइ-परिग्गहम्मि गिद्धमणो । विहलं नर-जम्मं गमइ किंचि दाणाइ-निरओ सो ||२५७०।। अदृज्ाणोवगओ मरिऊणं सूयरो समुप्पन्नो । नियए च्चिय गेहे तम्मि तस्स चंकम्ममाणस्स ॥२५७१।। पुव्वाणुभूय-सयणप्पएस-दसणवसेण संजायं । जाईसरणं पत्तो य पियर-कज्जम्मि पारद्धे ॥२५७२|| रद्धप्पायाए रसवईए परिवेसणे समासन्ने । मज्जारीए मंसं हरियं तो सूवयारीए ||२५७३।। गहवइ-भएण वेला-वइक्वमं तत्थ रक्खमाणीए । मंस-निमित्तं पच्छन्नमेव निहओ वराहो सो ॥२५७४।। मरिऊण तहाविह-कोव-परिगओ तम्मि चेव गेहम्मि । जाओ भुयंगमो गवल-भसल-ताविच्छ-सच्छाओ ||२५७५।। तत्थ वि तं चेव गिहं दहुँ भय-संभमाभिभूयस्स | परिणाम-विसेसेणं जाईसरणं समुप्पन्नं ।।२५७६।। कम्म-विवागरस विचित्तयाए गहिओ न सो कसाएहिं । अणुतप्पियं च तेणं पुणो पुणो नियय-हिययम्मि ||२५७७|| दिहो घर-दासीए सप्पो सप्पो ति कलयलो विहिओ । मुग्गर-वावड-हत्था समागया तयणु कम्मयरा ॥२७७८|| वावाईओ य तेहिं तहाविहाकाम-निज्जरा-वसओ । मरिऊण नियय-पुत्तस्स नागदत्ताभिहाणस्स ॥२५७१।। बंधुमई-नामाए पियाए गब्भे सुओ समुप्पलो । जाओ समए विहियं असोगदत्तो ति से नामं ॥२५८०।।
Jain Education International
For Private & Personal Use Only
www.jainelibrary.org
