________________
३७८
सिरिसोमप्पहसूरि-विरइयं भणियं-भद्दे ! न एस सागरदत्तो किंतु देवदत्तो । रना वुत्तं- कहमेयं ?। देवदत्तेण कहिओ भूयावहाराइओ चोरंकार-पज्जंतो सव्वो वि नियवुत्तंतो । रन्ना विनाय-कुल-सीलेण 'अहो ! पुन्ननिहि' त्ति पसंसिऊण दिना निय-धूया कणयसिरी, समप्पियं करि-तुरय-रह-वत्थाहरणसंगयं अद्ध-रज्जं, भणिया य दत्त-भद्द-सेहीणो
एक्वेण देवदत्तो जाओ अवरेण वडिओ एसो । ता दोण्हं पि हु पुत्तो न विवाओ एत्थ कायव्वो ।।२५५४|| भणिया लच्छिमई वि हु तुज्झ पई सासुयाए जो दिलो । सो सागरदत्तो विय दहव्वो देवदत्तो वि ।।२५५५।। जा एरिसे वि पुरिसे चोरंकारं चडावए चंडा । सा तुमए कायव्वा भवणाओ नागिला बाहिं ॥२५५६।। तह सामदेव-सोमिल-वणिणो विनाय-वईयरा तत्थ । घेत्तुं निय-धूयाओ संपत्ता धण-कुटुंब-जुया ।।२५५७।। एवं स देवदत्तो दढाणुरत्ताहिं चउहिं भज्जाहिं । इंदो व्व अच्छराहिं अणिंदिए भुंजए भोए ||२५५८।। तत्तो कमेण भद्दो सुवन्न-कोडीओ एक्कवीसं पि || दाऊण देवदत्तस्स गुरु-समीवम्मि पव्वइओ ॥२५५१।। पुव्वुत्त-कणय-कोडी-सहियाओ समप्पिऊण धूयाओ ।
जे सामदेव-सोमिल-सिहिवरा ते वि पव्वइया ||२५६०।। - एवं दत्त-भद्द-सामदेव-सोमिल-सागरदत्ताणं पत्तेयं एक्ववीससुवन-कोडीओ संजायाओ । सव्व-संखाए पंचुत्तर-कोडि-सयस्स अद्ध-रज्जस्स य सामी देवदत्तो कारवेइ पुरे पुरे सुकय-लच्छिलीलावणाई जिण-भवणाई । पइहावए तेसु अप्पडिमाओ कणय-रयणपडिमाओ । पूयए ताओ भुवणच्छरियभूयाहिं अप्पयार-पूयाहिं । विरएइ विहिय-पाव-विरह-जुत्ताओ रहजत्ताओ । वियरेइ साहूण कम्मवाहि-विउडणसहाइं५४ पवर-वसहि-वत्थ-भत्त-पाणोसहाई । लिहावए विहणिय-मोहधंत्तं सिद्धंतं । निम्मवेइ निम्महिय-पावसल्लं साहम्मिय-वच्छल्लं । पयट्टेइ पयडिय-सम्मवुब्भावणाओ पवयणपभावणाओ । सम्माणेइ मणप्पमोय-जणए जणणि-जणए । विहेइ
Jain Education International
For Private & Personal Use Only
www.jainelibrary.org
