Page Text
________________
सुमइनाह-चरियं
३७७
डक्को उक्कड विस-विसहरेण मेहरहो नाम रायपुत्ती । आहुया बहवे मंतवाइणी । पउत्ताओ तेहिं किरियाओ । न जाओ कोवि विसेसो । तओ 'जो मह पुत्तं " सप्प-दहं जीवावेइ तस्स निय-धूयं कणयसिरिं अद्धरज्जं च देमि' त्ति उग्घोसणा पुव्वं दवाविओ रन्ना पडहगो, वज्जूंतो य समागओ तं पएसं । तं सोऊण चिंतियं देवदत्तेण
काउं परोवयारं जसं च पुन्नं च पाविउं विउलं । जइ परलोयं वच्चामि एस ता किंन्न पज्जत्तं || २५५३ ||
तओ भणिअं - भद्दा ! अत्थि ताव मे विसावहार-मंतो, डक्को य एसो रायपुत्त भुयंगमेण । तो एयं अहं जीवावेमि जेण मे परलोय-पत्थियस्स इमं चैव संबलं होइ । भणियं अणेहिं - जइ एवं ता छिवेसु पडहगं । छित्तोऽणेण सो । नीओ रायपासं । जीवाविओ रायपुत्तो । परितुट्ठो राया सपुर - जणवओ । रन्ना भणियं भद्द ! पुव्वं आगिइए संपयं पुण गुणेहिं विन्नाओ मए महापुरिसो तुमं, ता परिणेसु मे धूयं । मंतीहिं वुत्तं - कहं अविन्नाय कुलक्कमस्स रायकन्ना दिज्जई ? त्ति |
-
एत्यंतरे 'सप्पडक्कं रायपुत्तं जीवावियं' सोऊण संभरिय- देवयावयणो पत्तो दत्त- सेट्ठी । देवदत्तावहार-समणंतरमेव भद्द-सेट्ठी वि भद्दसाल - नयराओ निग्गओ । सव्वत्थ गवेसंतो समागओ तत्थ । देवदत्तं पडुच्च मम नंदणो त्ति भणियं दुवेहिं पि । रन्ना वुत्तं - अहो ! अयं कहं तुम्ह दोहं एक्को नंदणो ? दत्तेण वुत्तं- देव ! जायमित्तो इमो अवहडो केणावि । देवया - कहिएण अहिडक्क - रायपुत्त जीवावणाहिन्नाणेण विन्नाओ मए वीसइम वरिसाओ । भद्देण भणियं देव ! संवयइ एयं, जओ न मे घरिणी- जाओ इमो, किंतु कुलदेवयाए बालओ चेव समप्पिओ । सत्तरस - वरिसाई वसिओ मह घरे, पच्छा कत्थ वि गओ ति गवेसंतेण वरिस-तिग-पज्जते अज्ज दिट्ठो ।
एत्थंतरे समागया पुत्त- दुग समेया लच्छिमई । विन्नत्तो रायादेव ! एस मे भत्ता सागरदत्तो नाम समुद्द- परतीरं पत्थिओ बोहित्थ - भंगे लद्ध-फलगो गंगाए आगओ सासुयाए दिहो । जाव इमं इमिणा पुत्तदुगं । अज्ज उण अहं निसाए पिईहरे पसुत्ता । पच्छा न याणामि किंपि संपन्नं । दिट्ठो य एसो वज्झद्वाणं निज्जमाणो । इओ य तं पुत्त- दुगं विप्फारिय- लोयण - जुयं पसारिय-भुयं देवदत्तस्स उच्छंगमारूढं । भण
For Private & Personal Use Only
www.jainelibrary.org
Jain Education International
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |