Page Text
________________
सुमइनाह - चरियं
ता मोत्तूण कुबुद्धिं जीवदया सच्च पमुह-गुण-पवरे । सयल - सुह- हेउभूए जिणिंद-धम्मे महं कुणसु || २५४८|| इय सोउं पडिबुद्धो जिणिंद-धम्मं पवज्जए जोगी । बहुमन्नइ धम्म - गुरु त्ति देवदत्तं गुरु-गुणडुं || २५४१ || भणियं चजो जेण सुद्ध-धम्मम्मि ठाविओ संजएण गिहिणा वा । सो चैव तस्स भन्नइ धम्मगुरू धम्मदाणाओ ।। २५५०||
--
1
Jain Education International
-
वुत्तं च जोगप्पणा - अत्थि मे दुवे पढिय-सिद्धा मंता भूय - निग्गहो विस-घायणो य । महासत्त ! सत्ताणुकंपापरो तुमं इमेहिं पि परोवयारं करिस्ससि, ता गिण्हाहि इमे । देवदत्तो वि तदुवरोहेण गिण्हइ मंते । अन्न- दिणे दिडा विद्दाण-वयणा गुणमई पुच्छिया देवदत्तेण - पिए किमुव्वेय कारणं ? । तीए भणियं- अज्जउत्त ! सुण, अत्थि एत्थेव एक्कवीस - सुवन्न - कोडि सामी सोमिलो सेट्ठी । सोमा तस्स भज्जा | ताणं अपुत्ताण एक्का पउमसिरी कन्ना । सा मे बालसही अज्ज पबल - भूयवियारेण पीडिया पाण-संसए वह । तेण वुत्तं - अत्थि मे भूय-निग्गहमंती, ता तुह वयणेण तं पउणीकरेमि । तीए वुत्तं महा पसाओ । गंतूण तीए कहियं सोमिलस्स । सो वि देवदत्तं घेत्तूण गओ पउमसिरी- समीवे । देवदत्तेणावि कया मंडलाइ - सामग्गी । धरिया मुद्दा । सुमरिओ मंतो । आहयं सरिसवेहिं पत्तं । हसिऊण जंपियं पत्तेण जो हं सयल-नयरमंतवाईहिं पि न सक्किओ मोयाविउं तं ममं मोयावेसि ? अहो ! ते मूढया । देवदत्तेण सुहुयरं सुमरिओ मंतो । तप्पभाव- पराभूएण भणियं भूएण एवं बलामो डीए मोयावंतस्स जं ते करेमि तं पेच्छेज्जसु त्ति । जंपमाणं पवण - पहयं पायव-पक्क पत्तं व कंपिऊण पडियं पत्तं पुहवीए । दिडो इमीए साहिलासं पउम-दल-दीहराए दिडीए देवदत्तो | तेणावि साणुरायं पलोइया इमा | अन्नोन्न- पिच्छंताण ताण कामग्गहो सरीरम्मि सो संकंतो जायाइं जेण दोन्नि वि परवसाइं । लक्खियमिणं सोमिलेण । एयरस कामग्गहस्स निग्गहे अहं चेव समत्थो त्ति चिंतिऊण देवदत्तस्स मत्थए अक्खयक्खेवं कुणंतेण दिन्ना पउमसिरी, परिणीया इमिणा विभूईए य । वच्चए कालो ।
-
३७५
-
कयाइ निसाए पत्ती पल्लंके, पच्छा पिच्छए अप्पाणं तरंतं गुरुतरंगाए गंगाए । नूणं पुव्वावरद्ध-भूएण इह पक्खित्तो हं ति चिंतंतो
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |