________________
३६८
जो मेहुण - विणिवित्तिं काउं कम्मं समीहए पुरिसो । नरय-पवेस- दुवारं परिग्गहो तेण मुत्तव्वो || २४८६|| रमणीयणम्मि रागं विणा न संभवइ मेहुणं जम्हा । मुच्छा-ममत्त-राया परिग्गहस्सेव पज्जाया ||२४८७ || जं च परिग्गह- निग्गह-भणणेणं मेहुणं पि पडिसिद्धं । चाउज्जामो धम्मो तेणं चिय कारणेण भवे || २४८८ ||
दुक्ख - विसरुक्ख - मूलं जत्ती मणुओ महंतमारंभं । कुणइ असंतुहमणो परिग्गहं तं परिच्चयह || २४८९ || देव - गुरु- धम्म-तत्तं कज्जाकज्जं हियाहियं सम्मं । चेयन्न - सुन्न - चित्ता न मुणंति परिग्गह-ग्गहिला ||२४१०|| सारीरियाई दुखाइं जाई जाई च मण - समुत्थाइं । सव्वाण ताण हेउं परिग्गहं बिंति तित्थयरा ||२४९१ ।। जह जह वड्डुइ बाहिं परिग्गहो मोह - बहुल-हिययस्स । तह तह नरस्स अंतो वुद्धिं पावेइ पावभरो || २४१२ || जीवो भवे अपारे गरुय परिग्गह-भरेण अक्कंतो । दुह-लहरि - परिक्खित्तो बुड्डइ पोओ व्व जलहिम्मि ||२४९३ || धम्माराम - खयं खमा- कमलिणी-संघाय - निग्घायणं, मज्जाया- तडिपाडणं सुह-मणोहंसस्स निव्वासणं । वुद्धिं लोह - महन्नवरस खणणं सत्ताणुकंपा - भुवो, संपाडेइ परिग्गही गिरि-नई- पूरो व्व वडुंतओ ||२४९४|| जो गरुयारंभकरं परिग्गहं परिहरेइ संतुहो । सो होइ सयल - कल्लाण-भायणं देवदत्तो व्व || २४९५ ॥ तहाहि
सिरिसोमप्पहसूरि - विरइयं
-
Jain Education International
[५. परिग्रहविरतौ देवदत्त कथा]
अत्थि इह जंबुदीवे भारहखित्तम्मि कासि - विसयम्मि । वाणासि त्ति नयरी नयरिद्धि-विसिद्ध-जणकिन्ना ॥२४१६||
For Private & Personal Use Only
www.jainelibrary.org
