________________
३६१
सुमइनाह-चरियं
तीए नमंत-सामंत-मउलि-मणि-किरण-छुरिय-पयवीढो । जणिय-रिउरमणि-विरहो नामेणं दढरहो राया ||२४१७|| रेहंति दिसवहुओ निचियाओ जस्स जस-पयावेहिं । धवलारुणेहिं चंदण-घुसिणेहिं रंजियाओ व्व ||२४१८।। तस्स मणे मणिमय-दप्पणि व्व विमले सयावि संकंता । सीलाइ-गुणक्वंता ससिकंता नाम वर-कंता ||२४११।। तत्थऽत्थि दत्त-नामो सुवन्न-कोडीण एक्कवीसाए । सामी सम्मदिही विसिह-चरिओ पवर-सिही ।।२५००।। तस्स सुजस त्ति भज्जा निरवज्जा विप्फुरंत-गुरु-लज्जा | निम्मविय-धम्म-कज्जा गुरु-पयपंकय-नमण-सज्जा ||२५०१|| संते वि रयण-कंचण-विणिम्मिए भूसणाण पब्भारे । सा बहुमन्नइ निच्चं एक्वं चिय भूसणं सीलं ||२५०२|| पुव्वभवोवज्जिय-पवर-पुन्न-संपन्न-वंछियत्थाण । ताणं तणओ जं नत्थि तेण दम्मिज्जए हिययं ||२५०३।। आराहिया य संभवजिण-भवण-पइडिया सुय-निमित्तं । दुरियारि-देवया तेहिं तीए तुहाइ तो भणियं ॥२५०४।। होही गुण-रयण-निही सव्वुत्तम-पुन्नभायणं पुत्तो । नवरं तुम्ह भविस्सइ कित्तिय-कालं पि तश्विरहो ||२५०५।। इय देवयाए वयणं सोउं संजाय-गरुय-हरिसो वि । निय-पिययमाए सहिओ किंचि विसल्लो मणे सिट्ठी ||२५०६।।
पहाण-सुविणय-सूइओ पाउब्भूओ सुजसाए गब्भो, नवण्हं मासाणं "अद्भहमाण-राइंदियाणं पज्जंते समुप्पन्नो सयण-जणाणंदेण सह नंदणो । पारद्धं वद्धावणयं ।
वज्जति निरंतर तूर सत्थ,
वियरंति लोय तंबोल हत्थ । बज्ांति वारि तोरण पसत्थ,
दिज्जति जणह मणवंछियत्थ ।।२५०७।।
Jain Education International
For Private & Personal Use Only
www.jainelibrary.org
