Page Text
________________
संतला कारणं । बाह-जल्हा मए एसा विद्वाण
सुमइनाह-चरियं
तस्स धूया एसा लीलावई कनगा य । इमीए जेह-बहिणी लीलादेवी । सा य परिणीया लच्छिपुर-सामिणा किसोर-विज्जाहरेण । सो पणहो वज्जिय-लज्जो विज्जाहर-समरे । उवहसिओ सेस-विज्जाहरभडेहिं । लजिया इमीए भगिणी लीलादेवी । तं पिच्छिऊण चिंतियं इमीए- ममावि एरिसो भत्ता न होइ तहा करेमि त्ति । तायं पुच्छिऊण आगया एत्थ । आराहिया अणाए पन्नत्ती देवया । जाया वराभिमुही । मग्गिया इमीए- भयवइ ! मा मज्झ अमणुस्सो भत्ता होज्ज । पडिसुयं देवयाए, भणियं च- वच्छे । रणवीरो ते भत्ता भविस्सइ, किंतु अत्थि तुहाभिओगिय-कम्म-सेसं । तदएण छम्मासं ते किलेसो होही । तओ न तए संतप्पियव्वं, जओ तं किलेसं सो चेव ते भत्ता पणासिस्सइ । एयं सोऊण पहहा वि दूमिया एसा | गया स-नगरं । ठिया कंचि कालं ।
अन्नया अरुणोदए दिहा मए एसा विद्दाण-वयण-कमला | पत्थावे पुच्छिया कारणं । बाह-जल-भरिय-लोयणाए साहियं अणाए- सहिं ! वसंतलीले ! अज्ज सुविणए चिय केणावि महा-विगरालेण नीयाऽहं समुद्दतीरं । दिहो य तत्थेगो मए कावालिगो । भणिया अहं तेण-सुंदरि ! अहं आयाससिद्धी नाम "महावयग-चूडामणी । साहिओ मए कन्नारयणाकरिसगो दिव्व-मंतो | तेण सव्वुत्तम त्ति आणिया तुमं । ता पसयच्छि ! पसायं काउं पडिवज्ज मं गुरुसिणेहं | भुंजसु मणहरे भोए । तिजयस्स वि सामिणी होसु । मए भणियं-महावयगस्स विरुद्धमेयं । तेण भणियं- किं तुह इमीए चिंताए ? | विरुद्धमविरुद्ध वा अहं चेव जाणामि । एवं भणमाणो वि न इच्छि ओ सो मए । तेण गहिया कत्तिगा । धाविओ मम सम्मुहं । मए भणियं-अमणुस्सा पुहइ त्ति । अन्नहा कहं तुममेवं ववहरसि ? । तओ ‘अधन्ना तुमं जा अच्चंताणुरत्तं ममं एवं अवहरिसि । तहा वि न "मिल्ले मि एत्थाणुबंधं, छम्मासे हिं आगरिसियव्वा मए तुमं'ति भणमाणेण मोहिया अहं अणेण । थेव वेलाए दिहो एत्थ अप्पा, निरूजा य जाया । ता तक्वेमि तं एयं भयवईवागरणं । एयमित्थ कारणं । एवं कहिऊण विसन्ना एसा । मए चितियंअवितहो पन्नत्ति-देवयाएसो । न अन्नहा काउं तीरइ । ता एत्थ इमं पत्तयालं देवयाए चेव समीवे चिट्ठम्ह जेण तप्पभावेण वोलेइ उवसग्गो ।
तओ अम्हे इहा गया । जाव इहावि सो चे व वुत्तं तो ।
Jain Education International
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |