________________
३६४
सिरिसोमप्पहसूरि-विरइयं आगरिसिज्जइ एसा पइदिणं ति । एएण कारणेणं जंपियमिमीएकेरिसी परायत्ताए महाणुभावय त्ति । एयं सोऊण हरिसिओ रणवीरो । भणियं अणेण- मा उन्वेयं उव्वहसु । नेह ममं तत्थ जेण तस्स दुरप्पणो दंसेमि दुन्विलसिय-फलं ति । तीए भणियं- अत्थि एयं, किंतु विसमो एस कावालिगो । रणवरिण भणियं- अलं तस्स विसमत्तणेण | नेह ममं तहिं ति । तीए चिंतियं- सो चेव एसो रणवीरो भविस्सइ । अभिरमइ सामिणीए इमम्मि दिही । उदार-धीरो एसो । पुन्ना य पायेण छम्मासा | ता जुत्तमेयं ति चिंतिऊण जंपियं इमीए- एवं करेम्ह । परितुद्दो रणवीरो । आगओ मंताहवण-समओ | चलियाओ विज्जाहरीओ | नीओ ताहिं रणवीरो | मुक्को एक्क-पासे । आढत्तो कावालिगेण पुव्व-वइअरो । पुव्वं व जंपियं इमीए-'अमणुस्सा पुहइ' त्ति । एवं सोऊण उढिओ रणवीरो । भणियमणेण- कहं देवे चंडमहासेणम्मि पहवंते अमणुस्सा पुहइ ? त्ति ।
रणवीर-कुमारेण पुण वि वुत्तु, कावालिगु कवडनिहाणु धुत्तु । चिरकालु करेविणु बहु अकज्जु, रणकारणि संपइ होहि सज्जु ॥२४५५।। कावालिगु निसुणिवि कुमर-वयणु, ठिउ सम्मुहु रोसारुणिय-नयणु । तडि-तेय-तरल-कत्तिय-करालु, सो कुमरिण दिहउ नाइ कालु ॥२४५६।। ता कुमरु वि मेल्लइ खग्ग-दंडु, करि धरिवि छुरिय दुक्कउ पयंडु ।। जे सत्त-गुणुत्तम-नर हवंति, असमाण-जुज्झु ते न हि करंति ।।२४५७।। वग्गंति दोवि हक्वंति दोवि, पहरंति दोवि वंचंति दोवि। ओहटिवि वेगिण मिलहिं बे वि, उप्पइवि नहंगणि पडहिं बे वि ।।२४५८।। कुमारेण निवाडिओ तो कमेण, कावालिगु उक्वड-विक्कमेण । पावेण पडणु धम्मिण जइत्तु, जं वयणु एउ सव्वओ पवित्तु ।।२४५१।। सुर-सिद्ध-खयर तो जायतुहि, कुमरोवरि मेल्लहिं कुसुम-वुहि । गयणंगणि जयजयकारु कुणहिं, रणवीर-कुमर-सच्चरिउ "थुणहि ।।२४६०।। कावालिगु पच्छायाव-सहिओ, कुमरं पइ जंपइ कोव-रहिओ । अहिलसिय एह जं तुह कलत्तु, तसु पावह फल मई एउ पत्तु ॥२४६१।।
Jain Education International
For Private & Personal Use Only
www.jainelibrary.org
