________________
सिरिसोमप्पहसूरि-विरइयं खयर-नरनाह-मंडलिय-मंति-सामंत-सेहि-पमुह-जणा । पन्नत्ति-देवयं पूईऊण सेवंति सकलत्ता ||२४४१।। सोहग्गं आरोग्गं रज्जं विज्जं तणुब्भवं विभवं । अन्नं पि वंछियत्थं तुट्ठा सा देइ तेसिं पि ।।२४५०।। तत्थ भवणे पविठ्ठो कुऊहलाउलिय-लोयणो कुमरो ।
पन्नत्ति-देवयं पणमिऊण खणमेक्वमुवविहो ||२४५१।। रयणि त्ति कयावस्सगो पसुत्तो तत्थेव । अइक्वंता रयणी । उहिओ एसो । कयं गोसकिच्चं । निज्झाइया दिसि-पहा । दिहा पुव्व-दिसाए धूली । थेव-वेलाए महंतं आस-साहणं । तं मज्झे आस-विमाणं । तत्थ तह-कुरंग-लोयणा कन्नगा समागया देवयायणं । अवयरिऊण विमाणाओ गया पन्नत्ति-देवया-समीवं । वंदिऊण पन्नत्तिं ठिया कंचि कालं । दिहोऽणाए रुवेण अमरो व्व कुमारो । मिलिया दोण्हं पि परोप्परं दिही । न बुल्लाविओ इमीए । ससिणेह त्ति वियाणिया कुमरेण । मज्जिऊण विभूईए पूइया कन्नगाए पन्नत्ती । वित्थरिओ पुरओ विविहफल-नेवज्ज-बंधुरो बली । विहियं दुवेहिं पि भोयणं । एवं नीसेसं दिवसावस्सयं कयमेएहिं, केवलं असंभासेण परोप्परं जाव रयणीए अत्थुयं सयणेज्जं ननु वज्जइ एसा । घुम्मति से निदाए लोयणाई । - एत्थंतरे भणियं रणवीरण-भणामि किं च निल्लज्जयाए अहं । को पुण तुम्ह महाणुभावाण वि एस एरिसो वुत्तंतो ? | नीससियं, न जंपियं इमीए। कुमारेण वुत्तं-कहियमिणं तुमए अहं पुण अत्थं नावगच्छामि । तीए भणियं-केरिसी परायत्ताण महाणुभावया ? | कुमारेण भणियं-कहं परायत्तं त्ति नावगच्छामि । कन्नगा कुमारमालोइऊण रोविउमारद्धा । समासासिया सहीए । भणियं अणाए-महाभाग ! सुण इमीए" वुत्तंतं ।
गंगा-जउणा-जोगं नीले गयणम्मि धवल-किरणेहिं । "उवसंसिउं वियतो वेयहो नाम अत्थि गिरी ॥२४५२|| तत्थत्थि सुवित्थिन्नं सुवन्न-पायार-पवर-पेरंतं । नह-लच्छी-लीला-२"नेउरं व लीलापुरं नयरं ॥२४५३।। तम्मि नमंत-निरंतर-विज्जाहर-मउलि-मिलिय-पयकमलो | जयसिरि-लीलानिलओ लीलाचिंधो ति नरनाहो ||२४५४||
Jain Education International
For Private & Personal Use Only
www.jainelibrary.org
