________________
३६०
सिरिसोमप्पहसूरि- विरइयं
वुत्तं - अंगीकयमिणं, किमन्नहा एयाए वेलाए परघरे पविसीयइ ? |
इच्चाइणा वइअरेण निरागरिया महादेवी । सुयमिणं सव्वं रन्ना । अणविक्खिऊण आयइं अक्कंदियं महादेवीए । सकलयलं उद्विया पाहरिया । रन्ना उवरिं ठाऊण भणियं भो ! भो ! अविणासेण चोरं गिण्हह । भणिओ पाहरिगेहिं कुमारो भो ! अविणासगा अम्हे तुज्झ, तो - आउहं । कुमारेण भणियं-न मुंचामि । किंतु अपहरंतो अनासंतो य तुब्भेहिं समं चिट्ठामि । तेहिं भणियं एवं होउं । पहाया स्यणी । उग्गओ गयणमणी । काऊण गोसकिच्चं ठिओ राया अत्थाईयाए । सद्दाविओ चोरो । आगओ सो । दिट्ठो रन्ना । अहो ! उदारो त्ति चिंतियमणेण । एरिसो वि चोरियं करेइ त्ति जंपियं मंति- पमुहेहिं । रन्ना वुत्तं-भो ओसरह तुभे । अहमेयं किंचि पुच्छामि । ओसरिओ लोओ । सुहासणत्थो भणिओ कुमारो रन्ना - भो ! को तुमं ? ति । तेण वुत्तं कम्मओ चेव अवगए किं पुणरुत्त- पुच्छाए ? । रन्ना भणियं परोप्पर विरुद्धं ते चरियं ति पुच्छामि । कुमारेण चिंतियं - 'नूणं विन्नाओ रन्ना रयणि वृत्तंतो, ता एवमुल्लवइ । गुरुत्थाणिओ य एसो, अओ जहद्वियमेव साहेमि' त्ति चिंतिऊण मग्गिऊण य देवीए अभयं साहिओ सव्वो वि निय-वुत्तंतो तुडेण रन्ना पुत्ती ति पडिवन्नी कुमारो । दिन्नो से महाविसओ । कया करि तुरय-रह- पाइक - सामग्गी । जाओ सयल जण सम्मओ । चिंतियमणेण
-
-
-
सयल-जय-वच्छलेहिं गुरुहिं करुणापरेहिं तेहिं अहं । जं पर कलत्त - नियमं कराविओ तस्स फलमेयं ॥ २४४०॥ इह लोयमित्त - सुहया चिंतामणि- कामधेणु - कप्पदुमा | उभय-भव - सुहकरेहिं गुरूहिं कह हुंतु सारिच्छा ||२४४१ || जाण गुरु-वयण-मंतक्खराइं हियए सयावि निवसति । पररमणि- रक्खसीहिं ते वि य न नरा छलिज्जंति ॥२४४२|| इय चिंतिऊण जइजण पयपंकय-सेवणुज्जओ जाओ । पडिवज्जइ सम्मत्तं कमेण रणवीर-वर कुमरो ॥२४४३ ! |
Jain Education International
अन्नया सामंत- सेणावइ - पमुह सुहड - कोडि-संकिन्नाए सहाए निसन्नस्स रन्नो महसेणस्स बालमित्तो बंधुदत्तो सेट्ठी समागओ । पणामिय- पाहुडो पणमिऊण रायाणं निविट्ठो उचियासणे । पुट्ठो रन्ना
For Private & Personal Use Only
www.jainelibrary.org
