________________
सुमइनाह-चरियं
३५७ [४. शीले रणवीर-कथा) अत्थि इह जंबुद्दीवे भारहवासम्मि मज्झिमे खंडे । अमरपुरं नामेणं नयरं नय-रंजिय-जणोहं ||२४२०।। सुरभवण-पइहिय-पउमराय-कलसुल्लसंत-किरणेहिं । पयडइ गयणंगण-पायवस्स जं पल्लव-विलासं ||२४२१|| तत्थ परिपंथि-पत्थिव-पयाव-दव-जलण-पसम-जलवाहो । पुरपरिह-दीहबाहो रणपालो नाम नरनाहो ||२४२२।। जस्स कर-मंडणं मंडलग्गमवलोईङ पि न खमंति । सूरस्स व गरुय-भयाउलाई रिउ-कोसिय-कुलाइं ||२४२३।। तस्सत्थि धीरसोहार देवी देवंगण व्व वर-रूवा । नवरं विलास-लालस-लोयण-पंकय-कयाणंदा ||२४२४|| पुव्व-भवज्जिय-सुकयाणुरूव-वर-विसय-सेवणपराण ताणं तणओ जाओ रणवीरो नाम विक्खाओ ||२४२५।। सो मयण-सरिस-रूवो सयल-कला-कुलहरं विणय-पवरो । सूरो चाई दक्खो दक्खिन्ननिहीं थिरो गहिरो ||२४२६।। नवरं जूय-व्वसणेण दूसिओ तस्स गुण-गणो सव्वो । ससिणो व्व कलंकेणं खारत्तेणं जलहिणो व्व ||२४२७।। अगणिय-गुरु अणलज्जो अकलिय-निदा-छुहा-तिसा-दुक्खो । जूय-रय-परिक्खित्तो निच्चं चिय रमइ सो जूयं ॥२४२८।। अन्न-दियहम्मि रल्ला भणिओ सो वच्छ ! बुद्धिमंतेण । जुत्ताजुत्त-वियारणपरेण पुरिसेण होयव्वं ॥२४२१।। तुज्डा गुण-रयण-निहिणो निहीण-जण-सेवियं इमं जूयं । न हु सहइ असुइ-असणं हंसरस व वायसायरियं ॥२४३०।। जं कुल-कलंक-बीयं गुरु-लज्जा-सच्च-सोय-पडिणीयं । धम्मत्थ-काम-चुक्कं दाण-दया-भोय-परिमुक्तुं ||२४३१।। पिय-माय-भाय-सुय-भज्ज-मोसणं सोसणं सुह-गुणाणं । सुगइ-पडिववखभूयं ते जूयं पुत्त ! परिहरसु ||२४३२।।
Jain Education International
For Private & Personal Use Only
www.jainelibrary.org
