________________
सुमइनाह-चरियं
३५५
'जइ एयं वसणं अहं लंघेज्ज ता इमं बालं परिणिऊण पच्छा वयं चरिस्सं । अह न लंघेज्ज ता सागारं सिद्ध-पच्चक्खं पच्चक्खामि चउव्विहाहार' ति कय-पच्चक्खाणो पत्तो वज्झाणं । नागवसू वि वेगेण संठविऊण अप्पाणं पूईऊण जिणपडिमाओ ठिया सासणदेवयाराहणत्थं काउसग्गेण । नागदत्तो विक्खित्ती सूलाए आरक्खिएण । भग्गा सासणदेवयाए सूला । तओ उल्लंबिओ तरु- साहाए। एसो तुट्टी पासओ । तओ आहओ खग्गेण गीवाए । जाओ खग्गप्पहारो हारो । तओ तस्स कओ साहुवाओ लोएण । भीया निव-निउत्ता नरा । सुणियमेयं रन्ना ।
तत्थागंतूण काऊण पडिवत्तिं पुट्ठो नागदत्तो निब्बंधेणं - कहेसु, को एस वृत्तंतो ? | नागदत्तेण वुत्तं वसुदत्तस्स जइ अभयं देसि ता कहेमि । पडिवन्नमेयं रन्ना । कहिओ कुंडलावलोयणाइओ तेण वईयरो । तुट्ठेण रन्ना निवेसिओ करेणु-पडीए अप्पणी पासे । पवेसिओ गुरु - विभूईए नयरीए । नीओ रायभवणं । सक्कारिऊण पडविओ निय- गेहं । वसुदत्तो वि निव्वासिओ निय-देसाओ । गिहागयस्स नागदत्तस्स नागरा आगच्छंति वद्धाविया । पियमित्तो वि पत्तो पियपुच्छओ । कहिओ नागवसू -कय- काउस्सग्ग-वुत्तंतो । संजाय-सिणेहेण परिणीया नागवसू नागदत्तेण । भुंजए तीए समं भोए ।
अन्नया गवक्ख-गयरस पिययमाए समं नागदत्तस्स पच्चासन्नघरे कयंतेण हरिणा हरिणो व्व हरिओ वणिय-तणओ । जाओ अक्कंदवो । भणियं भज्जाए - नाह ! किमेयमइ - विरसं सुव्वइ ? | भणियं नागदत्तेण - सुयणु,
जस्स भएण अणागय-जत्तो काउं समीहिओ वि मए । न कओ मूढेण इमं वि चिट्ठियं तस्स जमहरिणो ||२४०३ || नहि गणइ इमो सुहियं न दुक्खियं न सधणं न धणहीणं । न नराहिवं न रंकं दवो व्व सव्वं वणं दहइ || २४०४।। इय पभवंते एयम्मि विसय-पडिसेवणं महामोहो । सिर- पज्जलियम्मि हुयासणम्मि को सुयइ निच्चितो ? || २४०५ ।। जइ वि सयं न पहुप्पइ एसो तह वि हु करेइ जण - पीडं । सिंह व्व जरा डिंभ व्व वाहिणो तस्स परिवारो ॥२४०६ ||
Jain Education International
For Private & Personal Use Only
www.jainelibrary.org
