________________
३५४
सिरिसोमप्पहसूरि-विरइयं हिययंबरचुंबिणा विवेय-रविमंडलेणेव कुंडलेणं । पुट्ठो सबहुमाणं वुत्तंतमेयं । पडिमा-पडिवल्लो त्ति न किं पि जंपए एसो ।
भणिओ राया महल्लएहिं - देव ! अज्ज वि इमस्स नियमो न पूरइ त्ति चिहह जाव सूरोदयं । ठिओ राया । उग्गओ सूरो । चिंतियं नागदत्तेण'जइवि निरवराहस्स मे दिन्नं अब्भक्खाणं इमिणा तहावि मए न तं वत्तव्वं, जओ परदोस-कित्तणं उभयलोय-दुक्खावहं । न य किं पि इमिणा कयं मे। सव्वो वि सकय-कम्म-फलमेव भुंजइ । ता सिरच्छेए वि न मए परदोसो वत्तव्वो'त्ति कय-निच्छओ पुणो पुणो पुठो वि न जंपए । कुद्धेण रला आणत्तो वज्झो । तुटेण आरक्खिएण रत्तचंदणाणुलित्तो तणमसिकय-विविह-मुंडो सिर-धरिय-छित्तरय-छत्तो गलोलंबिय-सरावमालो विरस-वज्जंत-डिडिमो उग्घट-रायकुंडलावराहो रासहारुढो ओयारिओ राय-पहे । घर-पुर-"पायाराइ-सिहरहिओ नायर-जणो जंपिउं पवत्तोअहो ! वियार-मूढया रनो । अहो ! मइब्भमो मंतिप्पमुहाणं । पेच्छ केरिसं अकज्जं ? ति ।
अमयाओ वि होज्ज विसं मुंचिज्ज व सिहिकणे मयंको वि । न य कहवि नागदत्तो करेज एवंविहमकज्जं ।।२३१६।। जइ कहवि दुज्जगा सज्जणम्मि दोसं ठवंति अलियं पि । तह वि हु वियार-निउणा सच्चवियं तं न मन्नति ||२३१७।। जइ होइ महापुरिसाण एरिसाणं पि एरिसं वसणं । परिहरणिज्जो ता सव्वहा वि भववास-विसरुक्खो ||२३१८।। एवं पयंपमाणे जणम्मि जंतेण नागदत्तेण । सध्वविया नागवसू पिउमंदिर-कुट्टिम-तलम्मि ||२३११।। विगलंत-बाहबिंदूण नयण-कमलाण पाडिसिद्धीए । थणएहिं रूयंतेहिं व करताडण-तुट्टहारेहिं ||२४००।। परिणेइ न मं जइ वि हु तहावि नयणेहिं दीसिही सुहओ । तुहाहमेत्तिएण वि तं पि न मे खमइ दुइ-विही ।।२४०१।। इय विलवंती मुच्छाए महियले पडइ रुद्ध-करणगणा । पिय-वसणमपेच्छंती विहिणा विहिओवयार व्व ॥२४०२।। नागदत्तो वि दहण तीए तहाविहं चेहं आवज्जिय-मणो चिंतए एवं
Jain Education International
For Private & Personal Use Only
www.jainelibrary.org
