________________
३५३
सुमइनाह-चरियं वि भणिस्सं- ति वोत्तूण विसज्जिओ पियमित्तो । तेणावि कहिऊण पुव्व-वुत्तंतं भणिया धूया- वच्छे ! मुंच तम्मि अणुरायं । जओ- .
दुल्लह-जणम्मि पेम्मं खलम्मि मित्ती जडम्मि उवएसो । कोवो य समत्थ-जणे निरत्थओऽणत्थ-हेऊ य ||२३१४|| तीइ वि कया पइल्ला सो च्चिय परिणेइ मं न उण अलो ।
अहवा जं सो काही अहं पि त चिय करिस्सामि ||२३९५||
अह नयरारक्खगेण वसुदत्तेण दिहा घरंगण-गया नागवसू । तओ कओ सो कामेण परवसो गओ पियमित्त-गेहं ।
अब्भत्थिओ अणेण पियमित्तो- देसु मे नयणच्छरियभूयं नियधूयं । मग्गेसि जेत्तियं देमि तेत्तियं ते धणं । पियमित्तेण भणियं-'न मे धणेण कज्जं । को वा तुमं जामाउगं नाभिनंदइ ?, किंतु दत्ता मए धणदत्तस्स पुत्तस्स नागदत्तस्स कन्ना, ता न तए एत्थ खिज्जियव्वं'ति भणिउण विसजिओ वसुदत्तो । सो य तयाणुरत्तो नागदत्त-हणणत्थं छिद्दाणि मग्गिउं पवत्तो ।
अन्नया आसवाहणिया-निग्गरस जियसत्तु-रलो निवडियं कुंडलं । घरागएण नायं रना । भणिओ नयरारक्खगो-'कहिं पि निवडियं कुंडलं, निभालेसु तं' । 'जं देवो आणवेइ' त्ति भणिऊण उग्घोसावियं नयरे वसुदत्तेण-'जेण रन्नो कुंडलं कहिं पि पत्तं सो समप्पेउ जइ जीवियमिच्छइ'। नयर-परिसरे र गवेसणत्थं सव्वत्थ निउत्ता नरा ।
इओ य नागदत्तो अहमीए पडि वन्न-पोस हो संझाए पडि मं पडिवज्जिउकामो उज्जाण-मज्ाहियं जिणहरं पहिओ । गच्छंतेण य तेण दिहं पह पहा-पूर-पूरिय-दिसामंडलं कुंडलं । दहूण ते नागदत्तो नियत्तिऊण पयट्टो अन्न-मग्गेण । नियत्तमाणो य दिहो दिव्व-जोगओ वसुदत्तेण । गओ सो सासंक-माणसो तं पएसं | जाव दिहं कुंडलं । पहहचित्तो८ तं घेत्तूण तं 'अहो लद्धो मए नागदत्त-मारणोवाओ' त्ति चितयंतो गओ तत्थ जत्थ पडिमा-पवनो नागदत्तो । मुक्वं तस्स पासे कुंडलं । कहियं रनो- देव ! गहिय-कुंडलो पत्तो नागदत्तो, ता जं आणवेह तं कीरइ ? त्ति सुच्चा वज्जाहओ व्व विसनो चिंतए राया-हा ! किमेयं ? ति । न संभवइ नागदत्ते एयं । एसो य तं सकुंडलं कहेइ । ता एत्थ जुत्तो वियारो त्ति आणाविओ रब्ना नागदत्तो । दिहो कंठावलंबिणा
Jain Education International
For Private & Personal Use Only
www.jainelibrary.org
