Page Text
________________
सिरिसोमप्पहसूरि - विरइयं
तम्हा वयंस! जुज्जइ तुह एईए परिग्गहो काउं । असहाएण न तीरइ काउं धम्मो वि पुरिसेण || २३१३ || . नागदत्तेण भणियं - भो ! मा एवं पलवह । न मए अणुरागबुद्धीए पुट्ठा, किंतु एईए जिणिंद - पूया - कोसल्लं अतुल्लं दद्दूण एवं संलत्तं । तुब्भेहिं पुण पेम्म-परव्वसेहिं अन्नहा संभावियमिणं ति पयंपतो नागदत्तो पत्तो निय- घरं । सा य नागवसू कन्ना नागदत्तस्स निरुवम - रूवलावन्न- खित्त-चित्ता तं चैव चिंतयंती कया कामेण परव्वसा न पयट्टए भोयणाइ किरियासु, न पावए निसासुं पि निद्दासुहं, मणिमय - पंचालिय व्व चिट्ठए- निच्चिट्ठा | चंदण - जलद्दाईहिं कय-सिसिरोवयारा वि दढं देह-दाहमुव्वहइ । कसिणपक्ख ससिलेह व्व झिज्जए पइदिणं । विसन्ना सयणा । रहसि पुट्ठा सहीहिं निब्बंधेणं । तओ पुच्छंति एगओ पियसहीओ अन्नत्थ वारए लज्जा, इय वग्घ - दुत्तडी - नाय - निवडिया किं करेमि अहं ?- एवं वोत्तूण ठिया मोणेण ।
३५२
अह विन्नायभावाए अमरसिरीए सहीए भणिया एसा - हुं, विन्नायं मए सहि ! सहसंबवणुज्जाणे नागदत्तेण तुह अवहरियं हिययं । अहो ! जत्थ वाणियगा वि चोरा तत्थ किं कीरइ ? | तुज्झ वि लज्जाकरमिणं न जुत्तं वत्तुं । तया वि मए तुहं दिडिभावेण मुणियमिणं, परं लज्जाए न जंपियं इत्तियं कालं । तहेव ( ता होउ ) सुवीसत्था तुह गुणसंदोह -रज्जुसंदाणियं दंसेमि तं अनयकारिणं । इमं सोऊण अहो ! सहीणं छइल्लत्तणं ति भणंती जाया परम्मुही नागवसू । एवं संठविऊणं तं कहिओ तज्जणयाणं वुत्तंतो । तेहिं वुत्तं - उचिओ चेव अम्ह धूयाए नागदत्तेण संबंधी । कमलायरे रमंती रायहंसी कस्स नाणुमय ? त्ति भणिऊण पत्तो पियमित्तो धणदत्त - गेहं । दहूण अब्भुडिओ धणदत्तेण, कया आसणाइ पडिवत्ती । भणिओ य-किमागमण-पओयणं ? | पियमित्तेण वृत्तं- एक्कं ताव तुम्ह दंसणं, अवरं अत्थि मे नागवसू नाम कन्ना, तं तुह सुयस्स दाउं । ता पडिच्छ तुमं । होउ मह धूयाए तुह तणण अणुरुव-संबंधो । धणदत्तेण भणियं पियमित्त ! जुत्तं वृत्तं तए । ममावि बहुमयमेयं । कस्स वा न पडिहाइ लच्छी घरंगणमाविसंती ? किंतु मह पुत्तो संसार - विरत्त - चित्तो न पडिवज्जइ परिणयणं । अन्नेसिं पि बहूणं महंत - सेट्ठीणं विसिहाओ वि कन्नाओ न पडिवन्नाओ अणेण । परं पुणो
For Private & Personal Use Only
www.jainelibrary.org
Jain Education International
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |