________________
३५०
सिरिसोमप्पहसूरि-विरइयं जग्गंतो सुत्तो वा न लहइ सोक्खं दिए निसाए वा । संका-छुरियाए छिज्जमाण-हियओ धुवं चोरो ||२३६८।। जो हरइ परस्स धणं बहिरंगं जीवियं स तेण हओ । दविण-विगमम्मि जम्हा वच्चइ खयमंतरंग पि ||२३६१।। जो परदव्वमदिन्नं न गिण्हए लोह-निग्गह-पहाणो । अल्लियइ इमं कल्लाणमालिया नागदत्तं व ॥२३७०।।
[३. अस्तेये नागदत्त-कथा]
वाणारसी पुरी अत्थि सुरयणालंकिया सुरपुरि व्व । तत्थ जियारि य राया सक्कु व्व न जो अवज्जकरो ॥२३७१।। रनो गोरवठाणं दक्खिन-विवेय-विणय-रयणनिहीं । धणउ व्व धण-समिद्धो धणदत्तो तत्थ वर-सेही ॥२३७२|| घरिणी तस्स धणसिरी सिरि व्व स्वेण विणय-कुलभवणं । दो वि दयापवणाइं जिणसासण-रंजिय-मणाइं ।।२३७३।। विसय-सुहं भुजंताण ताण पुत्तो गुणालओ जाओ । नामेण नागदत्तो नागकुमारो व्व रूवेण ||२३७४|| . बालत्तणे वि जिणवयण-भाविओ भवविरत्त-चित्तो सो । परिणेउं न पवज्जइ ख्ववईओ वि कन्नाओ ||२३७५।। सो अन्नया भमंतो समाण-निय-मित्त-मंडल-समेओ । नंदणवण-संकासे सहसंबवणम्मि संपत्तो ।।२३७६|| . जम्मि कुसुमेहिं तरुणो कुसुमाई महुरसेहिं सोहंति । भमरेहिं महुरसो महुर-गुंजिएहिं च भमरगणा ।।२३७७|| काऊण तम्मि नाणाविहाओ कीलाओ सो खणं एक्वं । तस्स य मज्झभायम्मि संठियं जिणहरं पत्तो ||२३७८।। जं कणय-खंभ-कलियं नाणा-मणि-खंड-मंडियं सहइ । जिणभत्तीए सक्वेण पेसियं सुरविमाणं व ||२३७१।। अह तम्मि पविसमाणेण तेण एक्का पलोइया कन्ना । जिमपूयं कुणमाणी रइ व्व स्वेण पच्चक्खा ||२३८०।।
Jain Education International
For Private & Personal Use Only
www.jainelibrary.org
