________________
३४६
सिरिसोमप्पहसूरि - विरइयं इय जीवदया - परमं जिण-धम्मं सग्ग- मोक्खपुर-मग्गं । पसुवह-परूवग-मिच्छदिडि - धम्मं च कुगइ-पहं ||२३३७|| जंपंताण जाणं अवितह - वत्थुस्सरूव-भणणाओ । रागो वा दोसो वा न एत्थ परमत्थओ अत्थि ||२३३८।। वत्थु - सहावो एसो जत्थ दया विसय-निग्गही जत्थ | सो धम्मो मोक्खपही सेसो संसारमग्गो त्ति ||२३३१|| निसि-भोयणम्मि दोसे समासओ संपयं निसामेसु । नयनिद्दोसं वत्युं को वि सकन्नो परिच्चयइ ? ||२३४०|| रक्खस-भूय-पिसाया निसाए हिंडंति अक्खलिय-पयारा । उच्छिन्नमेएहिं तत्थ कहं होइ भोत्तव्वं ? || २३४१|| चिउ ता परलोओ रयणीए भोयणं कुणंताणं । इह लोए वि अणत्था हवंति जे ते निसामेहि || २३४२||
मेहं पिपीलिया हंति जूया कुज्जा जलोयरं । करेइ मच्छिया वंर्ति कुडरोगं च कोलिओ || २३४३ || कंटओ दारुखंडं च विहेइ गल वेयणं । वंजणतो निवडिओ तालुं विधइ "विछिओ ||२३४४|| विलग्गो य गले वालो सरभंगाय जायए । इच्चाइणी दिड-दोसा हवंति निसि भोयणे ||२३४५ ||
-
जइ वि हु पिपीलियाई दीवुज्जोयम्मि किं पि दीसंति ॥ तह वि तस - थावराणं सुहुमाणं दंसणं कत्तो ? ||२३४६|| भणियं च
संतिसंपा इमा सत्ता अदिस्सा मंस चक्खुणो । तेसिं संरक्खणद्वाए वज्जियं निसि - भोयणं ||२३४७॥
-
जइ वि हु फासूय-दव्वं कुंथू पणगा तहावि दुप्पस्सा | पच्चक्खनाणिणो वि हु राई भत्तं परिहरति ॥ २३४८ || चिडंति चरंते च्चिय जे मणुया वासरे निसाए य । विरइ - परिचत्त-चित्ता माणुसवेसेण ते पसुणो ||२३४१ ||
Jain Education International
For Private & Personal Use Only
www.jainelibrary.org
