________________
सुमइनाह-चरियं
अत्थि सत्थिमई - सन्निवेसो । तत्थ दया दाण-दक्खिन्नाइगुण-जुत्तो देवगुत्तो वाणिओ । गुत्ता से भज्जा, देविला भइणी । सा य परिणीयमेत्ता चेव चत्ता भत्तुणा चिट्ठइ भायगेहे । निउत्ता तेण दाणाइकज्जे । कयाइ गिहमागयाओ भिक्खत्थं साहुणीओ । भिक्खं दाऊण पुट्ठाओ कत्थ तुब्भे वसह ? ति । साहुणीहिं भणियं जिणदत्त - सिडि - जाणसाला । तत्थ अम्ह पवत्तिणी विमलवई चिट्ठति । अवरहे गया तत्थ देविला, वंदिऊण पवत्तिणिं निसन्ना पुरओ । भणिउं पवत्ताभयवई ! बहु - सत्थ- परिकम्मिय - मईओ तुब्भे । ता कहेह किं पि वसियरण- जोगं । पवत्तिणीए भणियं भद्दे ! अणुचियमिणं साहुणीणं । जओ
जोइस निमित्त - अक्खरकोऊयाए सभूईकम्मेहिं । करणाणुमोयणेहिं य साहुस्स तवक्खओ होइ ||२३३३||
किं च, धम्मो चेव परमं वसीकरणं । जओ
-
सोहग्गं आरोग्गं आउं दीहं मणिच्छिया लच्छी । भोगा विउला सुर-सिव-सुहाई लब्भंति धम्मेण ||२३३४||
३४५
एवमदिणं धम्मं सुणंतीए वियलिओ कम्म गंठी, नियत्ता विसयवासणा, पडिवन्नो सम्मत्तमूलो गिहत्थधम्मो | कहेइ देवगुत्तस्स जिणधम्मं । सो वि अदिन्न - पडिवयणो ठिओ अहोमुहो । देविला वि पइदिणं वच्चए जिण मंदिरे । पूएइ जिणिंद-पडिमाओ, पज्जुवासए जइ-जणं, सुणेइ सिद्धं तं वज्जेइ मिच्छत्तं, करेइ अट्ठमभार दिवसस्स वेयालियं । सिणेहलंघिओ न किं पि जंपए देवगुत्तो । अन्न- दिणे भणिया तेण देविलाभइणि ! जिण-धम्मो चेव सग्गापवग्ग- कारणं । न सेस धम्म त्ति जं भणसि तं ते राग-दोस- विलसियं संभावेमि । को वा दोसो रयणि-भोयणे जेण न भुज्जइ ? । तओ भणियं जिणधम्म-कुसलाए देविलाए
·
Jain Education International
पुट्ठो परेण महुरं उच्छु कडुयं च कहइ जइ लिंबं ।
तो रागदोस - विलसियममस्स किं होज्न पुरिसस्स ? || २३३५|| जइ को वि सीयलं सलिलमुण्हमनलं व सव्वमुल्लवइ । ता तस्स होज्ज किं रागदोस- विप्फुरिय-लेसो वि || २३३६ ||
For Private & Personal Use Only
www.jainelibrary.org
