________________
३४४
सिरिसोमप्पहसूरि - विरइयं
1
छिंदेइ संदेहे । ता सो पुच्छिज्जउ रयणमालाए वाहि-विगमोवायं । रन्ना वृत्तं - सद्दावेहि तं । मंतिणा भणियं निरीहत्तणेण न सो कस्सइ समीवमुवेइ । अइसय-नाणत्तणेण पूयारिहो सो अओ तत्थ गम्मउ । तओ धूयं घेत्तूण चंपयमाला संगओ गओ तत्थ राया । कय पडिवत्ती निविडो तस्स पुरओ । एत्थंतरे तिव्व-तव-सुसिय-देहो जड-मउड-धरी समागओ तत्थ एक्को रिसी । कुलालेण भासिओ-भद्द ! तुह कुसलं ? |
-
-
"विमलवईए इह पेसिओ सि तुह तव - - अदड्ड- देहाए । जं पभणसि तं सच्चं ति जंपए पंजली जडिलो || २३२३|| अह विम्हय - रसवसओ नरेसरो जंपर किमेयं ति । तो साहए कुलालो मूलाओ जडिल - वुत्तंतं ॥ २३२४||
विंझाडवी मज्झे संडिल्लो तावसो तवं तवइ । कइया वि इमस्स सिरे विहिया विद्वा सउलियाए ||२३२५ || सा कोव - परवसेणं इमिणा हुंकारमित्तओ दवा | नाउं तं निय-सत्तिं तुट्ठो पत्तो य तिउरिपुर्ति || २३२६ ||
भिक्खा कए पविट्ठो भवणे धणदेव - पवर- सङ्घस्स । तस्स जिण धम्म-निरया घरिणी विमला विमलसीला ||२३२७||
घरकम्म - वावडाए चिरेण भिक्खा इमीए उवणीया । तद्दहणत्थं मुक्को उ इमिणा कुविएण हुंकारो ||२३२८|| हसिऊण भ्रणइ विमला- महरिसि ! ना हं खु सउणिया होमि । विंझाडवीए दहा जा तुह हुंकारमेत्तेण || २३२९||
तो तावसेण भणियं भद्दे ! जाणसि तुमं कहं एयं ? | तीए वुत्तं - कहिही सुसीमगामे तुह कुलालो || २३३०|| तो आगओ "इहेसो नरिंद विमलाइ विमल - सीलेण । संजायमवहिनाणं ममावि सच्चप्पभावेण || २३३१||
नाणेण तेण अम्हे जाणामो दो वि ववहिअं वत्थं । तो रन्ना भणियमहो माहप्पं सच्चसीलाण ||२३३२||
एवं नाणाइसय - रंजिएण दंसिया रयणमाला कुलालस्स । पुट्ठो सो वाहिणो कारणं तव्विगमोवायं च । भणियमणेण - महाराय ! महई कहा ।
तहाहि
Jain Education International
For Private & Personal Use Only
www.jainelibrary.org
