________________
३४३
सुमइनाह-चरियं
जहिं तण्हा-तरलिय-पहिव हंत अणुसरहिं सरस पेम्व जेम्व कंत । जहिं चंदणु चंदु जलदहारु सज्जणु व दिति आणंदु फारु ।।२३१७।। जहिं सेवहिं धारा जंतु नीरु जण सिसिरु नाइ कामिणि-सरीरु । जहिं दक्खा वाणय पियहिं महुरु गुरु-वयण नाइ भवताव-विहुरु ||२३१८।। जहिं नियय-कडक्ख-समुज्जलेण घणसार-सार-चंदण-जलेण । सिच्चंतउ तरुणिहिं तरुण-लोउ
संताव-चत्तु पावइ पमोउ ।।२३११।। तत्थ गिम्हे गओ कीलणत्थं पमयवणं सिरिनंदण-कुमारो समं रयणमालाए । सा य कीला-पमत्ता छलन्नेसिए गहिया खुद्ददेवयाए परसुनिकिन्न -चंपयलय व्व पडिया महीवहे । सित्ता खिरिखंड जलेणं तप्परिमल-लुद्धा इव गाढयरमहिहिया तीए निरुद्धा वाणी । तओ लिप्पमइय व्व निप्फंद-नयणा न किंचि जंपइ । नीया राय-भवणं । नाय-वुत्तंतेहिं जणणि-जणएहिं आहूया वेज्जा मंतवाइणो य । पउत्तो तेहिं विविहोवयारो । न जाओ कोवि विसेसो । विसन्ना जणणि-जणया रोविउं पयत्ता
हा वच्छे ! सयल-कला-कलाव-कोसल्ल-भूसिय-सरि । पत्तासि दिव्ववसओ कहमिहेिं एरिसं वसणं ? ||२३२०।। अमयं पि जस्स पुरओ न चेव महुरत्तणेण हरइ मणं । तं जायमम्ह दुलहं तुह वयण-विणिग्गयं वयणं ॥२३२१|| पत्तासि जयवडायं अखलिय-पसरेण जेण बुह-मज्झे । तं कइया तुह वयणं कय-सवण-सुहं सुणिस्सामो ||२३२२|| रायाणं तहाविहं दहण भणियं मंतिणा- देव ! आसन्नेसु सीमग्गामे अत्थि गुणनिप्फन्न-नामो सच्चपालो नाम कुलालो । तस्स य सच्चवयण-पयंपणाणुभावेण समुप्पन्नमोहिनाणं । सो य तेण नाणेण नाणाविहं
Jain Education International
For Private & Personal Use Only
www.jainelibrary.org
