________________
३४०
सिरिसोमप्पहसूरि-विरइयं सुरलोयाओ चुओ समुप्पन्नो तुमं महाराओ । वामदेव-जीवो य नरयाओ उवट्टिऊण जाओ एस दमगो । अओ चेव इमं दहण ते समुप्पल्लो मणागं सिणेहो । अच्चुक्कडयाए य पावकम्मरस न कओ कोइ एयरस उवयारो । पावप्पभावेण य भमिस्सइ एस दीहं संसारं ।
तुमए उण पुव्व-भवे जं विहिया थूल-जीववह-विरई । तं वसण-सयाइं तुमं विलंघिउं रज्जमणुपत्तो ||२२१४|| ता जाय-जाइसरणो राया जंपइ मुणिंद ! जं तुमए । अक्खायं तं सच्चं पच्चक्खं मज्झ संजायं ।।२२१५।। संपइ पसीय भयवं ! पयच्छ मे सव्व-जीव-वह-विरई । गुरुणा भणियं-सावय ! सा वय-गहणेण संभवइ ||२२१६।। रना भणियं-तं पि हु गिहिस्सं रज्ज-सुत्थयं काउं । तत्तो जयस्स रज्जं दाउं विजयस्स जुवरजं ॥२२१७।। गिण्हइ सयं राया दिक्खं दमसार-केवलि-सयासे । कय-तिव्व-तवो पत्तो सग्गं च कमेण मोक्खं च ||२२१८।। हिंसं परिच्चयंतो जो न अलियं विवज्जए जीवो । सो दोत्तडीए नहो निवडइ वग्घस्स मुह-कुहरे ||२२११।। भुयगो व्व अलियवाई होइ अवीसासभायणं भुवणे । पावइ अकित्ति-पसरं जणयाण वि जणइ संतावं ॥२३००।। सच्चेण फुरइ कित्ती सच्चेण जणम्मि होइ वीसासो । सग्गापवग्ग-सुहसंपयाओ जायंति सच्चेण ||२३०१।। सच्चवसेणं तियसा आणाए किंकर व्व वहति । लिप्पपडिय व्व न कमंति मत्त-करि-केसरि-प्पमुहा ॥२३०२।। जायइ सिल व्व सरिया पंकय-पत्तं व पहरणं होइ । न दहइ जलं व जलणो न दसइ रज्जु व्व कसिणाही ॥२३०३।। सच्चाणुभाव जा ओहिनाण-विनाय-ववहियत्थ-गणो | जायइ जणस्स पुज्जो अकुलो वि कुलाल-सद्दो व्व ||२३०४।। तथाहि
Jain Education International
For Private & Personal Use Only
www.jainelibrary.org
