Page Text
________________
३३६
सिरिसोमप्पहसूरि - विरइयं
वाही नियत्तइ । अह सत्तुणा पच्चंत विसओ हओ त्ति गओ धाडीए राया । दुग्ग-भूमिबलेण न सो जिप्पइ त्ति जाओ तत्थेव निग्गहो । एत्थंतरे देवी - भावन्नुणा परिहूओ एस परियणेण । न से को वि किंचि वि करेइ । चिंतियं अणेण मम घरं चेव विदेसो ता वरं सो चेव विदेसो त्ति छिड्डेण निग्गओ रायगेहाओ नगरीओ य । महया किलेसेण गामाओ गामं भमंतो गओ उज्जेणीए । तत्थ अईव घत्थो वाहिणा परिसक्किउं पि न सक्कइ । ठिओ देवउले । तत्थ लोओ दयाए देइ मंडगाइ । एवं महाकिलेसेण अइक्कंतो कोइ कालो ।
-
सा वि पुव्व - जम्म घरिणी मंजरी अहाऊयक्खएण मया समाणी समुप्पन्ना इमीए चेव उज्जेणीए महासेणस्स रन्नो सेणाए महादेवीए देइणि त्ति धूया । इमीए वि वियंभिओ वयभंग - कम्म- दोसो | दंतुब्भेय-काले गहिया अंबा रेवईहिं दढं । कयाई उचिय - विहाणाई । तहावि न से दुक्खक्खओ जायइ । एवं दुक्ख पीडियाए जाओ जोव्वण - समओ । एत्थंतरे सयमेव मुक्का मणागं वाहिणा । तओ मायाए अहियं पसाहिया राउले रमंती चिट्ठइ । ईओ य राया महासेणो सेवग जणं पुच्छइ-कस्स पुनेहिं रिद्धिं तुभे विलसह ? । ते वि भणति - देव ! तुम्ह पुन्नेहिं । तओ संपूईय विसज्जेइ राया । अन्नया दिडमिणं देइणीए । हसिऊण भणियमणाए - अहो ! तायस्स मुदया, जो एवमे एहिं विप्पयारीयइ | सुयमेयं माइ सवत्ति - चेडीए । भणियं अणाए - सामिणि ! का एत्थ विप्पयारणा ? किं न एवमेयं ? ति । देइणीए भणियं न पर- पुने हिं कोवि सिरिं भुंजइत्ति परमत्थो । कहियमिणं चेडीए रन्नो । कुविओ राया ! सद्दाविया देइणी | भणियाऽणेण - कस्स पुन्नेहिं तुह एसा सिरी ? । तीए वुत्तं - ताय ! परमत्थओ अप्प - पुन्नेहिं । जओ सव्वे पाणिणो स- कयाणि सुकड - दुक्कडाणि भुंजंति, निमित्तमित्तं चेद एत्थ परोति । एयं सोऊण अहियं कुविओ राया । सद्दावियाऽणेण दंडवासिया, भणिया य सगोरवंभो ! जो कोइ तुब्भेहिं दिट्ठो एत्थ नयरीए अच्चंत दुक्खिओ सत्तो तमित्थ सिग्घं आणवेह । तेहिं वुत्तं जं देवो आणवेइ । न अन्नो इओ वि दुक्खिओ त्ति आणिओ रायहंसी । दंसिओ रन्ना । भणियं अणेण- अहो ! जहिच्छिओ एसी । अवन्नाए दंडि-खंड परिहाविऊण परिणाविओ देइणिमाणत्तो य समं तीए निव्विसओ । विसेसेण वुत्ता देइणी- माणेसु अप्प - पुन्नाई । तीए वुत्तं - जं तुमं आणवेसि । किलेसेण निग्गयाणि नगरीओ | मिलियाणि
Jain Education International
For Private & Personal Use Only
www.jainelibrary.org
-
—
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |