Page Text
________________
सुमहनाह - चरियं
वि न गिहिस्सइ त्ति बला दिनं मंजरीए । तदुवरोहेण च ओहयमण - संकप्पेण भक्खियं कुंदेण । जाओ से अणुतावो । निसाए नीससंतो भणिओ मंजरीए- किमेवं नीसससि ? | साहिओ अणेण वुत्तंतो । 'वय- भंगो कओ' त्ति महंतो मे संतावो त्ति उव्विग्गा से भज्जा वि । भणियं तीए कीस तए एयं मे न कहियं ? | अहं पि पावे पाडियम्हि । गोसे पुच्छिऊण गुरुं जमेत्थ जुत्तं तं करिस्सामो । किमेइणा नीससिएण ? । जुत्तमेयं ति चिंतियं कुंदेण । पहाया रयणी । लज्जा - पराहीणी वि नीओ एस गुरु-सगासं भज्जाए । वंदिऊण गुरुं लज्जेण उ चिट्ठई । तओ गुरुणा भणिओ- कीस तुमं एवं ? ति । तेण वुत्तं- भयवं! पावो अहं । न जुत्तं मे संभासणं । गुरुणा वुत्तं- कीस ? ति । भज्जाए साहिओ वुत्तंतो । गुरुणा चिंतियं- सोहणाणि एयाणि जेसिं ईइसो परिणामो । भणियं चालं एत्थ उव्वेण । किं तुट्ठो वितंनू न संधिज्जइ ? । किं असुइविलित्तो पाओ न धुव्वइ ? | तुज्झं पि अभाव - दोसओ अप्पो बंधो । इच्चाइ कया एएसिं धम्म- देसणा । संविग्गाणि दुवे वि । गहिया दोहिं पि मज्ज-मंस - विरई । परिवालिया भावओ । अहाऊयक्खएण मओ कुंदी | समुप्पन्नो 'सिरिकंठ-विसए जयंतीए नयरीए कुरुचंदस्स रन्नो मंगलार महादेवीए पुत्तत्तेणं । दिट्ठो अणाए सुविणयम्मि तीए चेव रयणीए रायहंसो वयणे पविसमाणो । सुह-विउद्धार साहिओ जहाविहिं रन्नो । भणिया तेण सुंदरि ! रायहंसो ते पुत्तो भविस्सइ । पडिस्सुयमिमीए । परितुट्ठा चित्तेण । अइक्कंतो कोइ कालो । जाओ से दोहलो- 'करेमि जिणमुणि- पडिवत्तिं ।' संपाडिओ से रन्ना । पसूया एसा । जाओ दारगो । कयं वद्धावणयं । समए पइद्वियं नामं दारगस्स सुविणाणुसारेण रायहंसो त्ति । समाइडं महारज्जं नेमित्तिगेण । अइक्कं तो कोइ कालो । जाव चैव न जोव्वणं पावइ ताव मरणपज्जवसाणयाए जीवलोगस्स मओ से पिया । अणुगमिओ मंगलाए बालो रायहंसो त्ति ठिओ रज्जम्मि एयस्स चुल्लबप्पो सिरिचंदो । कओ तेण एसो जुवराओ । इओ य वय-भंग - कम्मदोसेण मम पुत्तस्स रज्ज-परिपंथी एसो त्ति जाओ चुल्लबप्प - घरिणीए रज्जादेवीए रायहंसम्मि कोवो । दिव्न्नं कम्मणं । अचिरेण गहिओ एस जलोयर - वाहिणा । उम्माहिओ राया । पारद्धो किरिया कम्मो । न य
For Private & Personal Use Only
www.jainelibrary.org
Jain Education International
-
३३५
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |