Page Text
________________
सुमइनाह-चरियं
३३१ चेव रायपासं गच्छामि । देवप्पसायरस पासे माउलग-संदेसाओ तए इओ चेव रयणउरे गंतव्वं ति गहिय-सिक्खं पच्छन्न-पुरिसं पेसिऊण गओ सेही । कहियमिणमेव तेण रल्लो । न अन्नहा नेमित्तिय-वयणं ति चिंतियं रना-'तहा वि सामनीई एत्थ उवाओ' त्ति भणिओ सेट्ठी- लहुं तं सुयं आणेहि त्ति । सिद्विणा वृत्तं- 'जं देवो आणवेइ' त्ति । असंभंतो गओ सेट्ठी सगिहं । देवप्पसाओ वि अणुकूल-जणयाएस - तुह-चित्तो गओ रयणउरं । पविहो बंधुदत्त -माम-गिहं । कयं उचिय-करणिज्जं । भणियमणेण-ममावि दंसेहि ते गंधे । मामगेण हक्कारिऊण गंध-चेडिं दरिसाविया ते देवप्पसायरस । तेणावि सुहम-परिक्खाए वियाणिया सम्म निरूविऊण | भणियं च-एए एत्थ गंधा परिणया दव्वा वि निम्मविया महं तीए | एएण पुण पच्चग्ग-दव्वगया बालाए एगे पयट्टाविति मंथरं, अन्ने पुण सिग्घं । परिभोग-जोग्गा पुण दुवे वि | गंध-चेडीए वुत्तं-को एत्थं पच्चओ ? | देवप्पसाएण वृत्तं-आणाविज्जंतु भमरा | आणाविया भमरा । मुक्का गयणाओ पढम' गंधा, पडिय-मित्ता गहिया भमरेहिं निलीणा परमलएण ते । मुक्का बिया गंधा, निवडमाणा गहिया भमरेहिं । वियंभिया इओ तओ ते । को एत्थ भावत्थो ? त्ति पुच्छियं गंध-चेडीए । गभीरो मणो हरो य एयाहिं संभोगो त्ति साहियं देवप्पसाएण । पेसियाणेण एयासिं साहारण-दव्व-क्कया पडिगंधा । साहारणो एस अम्हाणं ति वियाणियमेयाहि । उयार-वियवखणो महाणुभावो त्ति जाओ एयाणमणुराओ ।
विनायमिणं रन्ना पुण्णचंदेण, चिंतियं च-धणवंतो वि एस वाणिओ, न य एवं उदार-विन्नाणवंतो वाणिओ होइ । न य मुद्ध-रायकल्लाणं अणभिजाए अणुराओ संभवइ । ता कहमेयं ? ति चिंतंतस्स पत्तो कंबल-रयणं जयवम्म-नाम-मुदं च घेत्तूण देवप्पसायरस कित्तिम-मामगो बंधुदत्त-सिही । भणियं च णेण- देव ! समागओ मे भगिणिवइपेसिओ कंपिल्लपुराओ पुरिसो । कहियं च तेण-तत्थ सूरसेण-रला विणा वि दोसं गहिओ ते भगिणीवइ । तेण य महावसण-संगएण विनत्तंएस' देवप्पसाओ महाराय-जयवम्मावसाण-समए जयवम्म-नाम-मुद्दासणाहं कंबलरयण-संगओ देवयाप्पसाएण लद्धो मए मसाणे । नाममुद्दा-चिंधेण य जाणिओ एस महाराय-जयवम्म-सुओ त्ति । भएण य
कस्सइ अकहिऊण संवडिओ । न याणामि य एत्थ तत्तं । किंतु एओवरि Jain Education International For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |