________________
सुमइलाह- चरियं
सुह- कम्म निउइण कहवि लद्ध विसयास करेविणु पुणवि रद्ध | जलनिहिभुय - रयणु व दुलह - बोहि चल - 1 -चित्तु समंजसि वच्छ ! होहि ||२२६३|| धम्मो त्ति कहंति जि पावु पाव ते कुगुरु मुणसु निद्दय-सहाव | पई पुनहि दुल्लहु सुगुरु पत्तु तं मा चएसु तुहु विसयसत्तु ॥ २२६४||
तथा
पैशाचिकमारव्यानं श्रुत्वा गोपायनं व कुलवध्वाः । संयमयोगैरात्मा निरन्तरं व्यावृतः कार्यः ||२२६५||
३२५
एवं पि पन्नविओ जाव न मेल्लइ विसय वंछं ता सूरिणा वि दुवालस वासाणि धरिओ । पुन्नेसु तेसु गमणत्थं पुच्छिओ सूरी । पुणो कया धम्मका । न से परिणया । मुक्को गुरुणा । तओ अहो ! से कम्मगरूयत्तणं जेण एत्तिएणावि कालेण नावगया विसय-तण्हा । ता जत्थ तत्थ वा कम्मयरो व्व मा किलिस्सउ त्ति चिंतिऊण कहिओ पुव्व-वुत्तंतो जणणीए । भणिओ य- वच्छ ! एयं पुव्वाणीयं मुद्दाए सह कंबल - रयणं घेत्तूण वच्चसु साकेए पुंडरीयराय समीवं । तह त्ति पडिवज्जिऊण गहियदव्व-लिंगो कमेण पत्तो 'तत्थ पओस समए । पच्चूसे नरनाहं पेच्छिस्सामि त्ति ठिओ जाणसालाए । अह रायसभाए पारद्धं पेच्छणयं । निसन्ना नरिदाइणो । आढतो पुव्वरंगो । पणच्चिया नट्टिया । कोउहल्लेण गओ खुड्डओ, सव्व रायं ( इं ) च नच्चंतीए तीए आवज्जिया रायाइणो । वित्तो साहु - सद्दी । अच्चंत खिन्ना सा पभाए पयलाईउमारदा । तओ से जणणीए - 'अव्वो ! तोसिओ रंगो । विद्वत्तो जसो । ता मा पयलायंती लोगाओ निंदं पावउ' त्ति नहियाए पडिबोहणत्थं पढिया एसा गीईया -
-
सुहु गाईयं सुठु वाईयं सुडु नच्चियं सामसुंदरि ! । तुममणुपालिय दीह राइ आउ सुविणं ते मा पमाय || २२६६ ||
इमं सोऊण पडिबुद्धा नहिया, इमे खुड्डयाइणो । तुट्ठेण खुड्डएण लक्खमोल्लं खित्तं कंबल - रयणं । जसभद्देण रायसुएण कुंडल-जुयलं । सिरिकंताए इब्भघरिणीए हारो । जयसंधिणा सचिवेण कडय - जुयं । कन्नवालेण मिंठेण अंकुसो । सव्वाणि वि लक्खमुल्लाणि । अणुचियदाणओ य पुच्छियाणि रन्ना पभाए सव्वाणि । तओ खुड्डएण साहिओ पुव्व - वुत्तंतो जाव विसयाहिलासी पडविओ तुज्झ समीवं जणणीए । इमं
Jain Education International
For Private & Personal Use Only
www.jainelibrary.org
