________________
રૂ.૨૬
सिरिसोमप्पहसूरि-विरइयं च सोच्चा पच्चागय-चरण-परिणामेण मए दिण्णं कंबल-रयणं ।
रना बहुमन्निऊण भणिओ-गिण्हसु रज्ज, करेसु अंतेउरं, उवभुंजसु विसए, पच्छिम-वयम्मि करेज्ज पव्वज्जं ।
खुड्डएण भणियंजं चिर-कालं धरियं चिंतारयणं व चिंतियत्थकरं । विसय-तुस-भोयण-कए तं सीलं विक्विणेमि कहं ? ||२२६७।।
रायसु ओ जंपइ- 'अज्जं कल्लं वा तुमं वावाईऊण रज्ज गिहिस्सामि'त्ति कयसंकप्पो पडिबुद्धो अहं गीईयाए । रल्ला वुत्तं-अलं वियप्पेण । देमि ते रज्जं । सो वि न इच्छइ ।
सिरिकंता भणइ- बारस वरिसाणि पउत्थरस पइणो अज्जं कल्लं वा पुरिसं पवेसेमि जाव इमाए गीईयाए पडिबोहिया । रन्ना वुत्तं-करेसु इच्छं । तीए वुत्तं-अलं एरिसीए इच्छाए ।
अमच्चो भणइ- अन्नेहिं नरिंदेहिं सह मिलामि त्ति चिंतयंतो गीईयाए पडिबुद्धो ।
मिठो भणइ-पच्चंत-नरिंदेहिं भिल्लो हं जहा पट्टहत्थिं देसु मारेसु वा । तं च काउकामो गीईयं सुच्चा अलं मे इमिणा दुरज्ावसाएण त्ति पडिबुदो ।
पच्छा सव्वेसिं कया खुड्डएण धम्मदेसणा । संजाया चारित्तपरिणामाणि चत्तारि वि पव्वावियाणि, अन्ले य कया बहवे सावया । घेत्तूण ताणि गओ गुरु-सयासं खुड्डओ । कहिओ सव्व-वुत्तंतो गुरुणो । बहुमन्नियाणि सव्वाणि तेण | वेरग्ग-वसुल्लसिय-सुह-भावाणि ताणि पालिऊण अकलंकं सामन्नं काऊण तिव्वं तवं गयाणि देवलोगं कमेण मोक्खं पि । खुड्डगाईणं पुव्विं असुह-भावणा आसि, पच्छा वेरग्गोवगयाणं सुह-भावणा । जइ असुह-भावणाए ताणि पयटिंसु असुह-कज्जेसु तो असुह-कम्म-गलहत्थियाणि वच्चिंसु असुह-गई | किंतु सुह-भावणाए काउं सव्वाणि सुह-समायारं सुह-कम्मवसे ण गयाणि सुह- गई खुड्डगाईणि ||
Jain Education International
For Private & Personal Use Only
www.jainelibrary.org
