________________
सिरिसोमप्पहसूरि-विरइयं तारावीड-राएण अणुगम्ममाणा पत्थिया रायधूया वि । तओ कित्तियं पि भूमिभागमागंतूण रन्ना अणुसासिया सुदंसणा जहा
जंपिज्ज पियं, विणयं करेज्ज, वज्जिज्ज पुत्ति । परनिंदं । खंडिज्ज मा कयावि हु सव्वस्स वि उचिय-पडिवत्तिं ।।७१।। रिद्धिं पत्ता वि हु मा वहेज्ज सुविणे वि माणसं पि । तह निक्कलंक-सीलं पाण-पणासे वि पालेज्जा ।।७२|| जलणो वि जलं, जलही वि गोपयं, पन्नगो वि रज्जुसमो ।
जायइ विसं पि अमयं सील-समिद्धाण भुवणम्मि ||७३|| एवमणुसासिऊण धूयं सोय-संगलंत-बाहजल-पज्जाउल-लोयणेण अंतेउरेण समं नियत्तो राया । तओ "पडिहत्थिऊण जणय-सिक्खं, पणमिऊण जणणि-जणयाण पाय-पंकयाइं पयहा आगंतुं रायधूया । अहं पि तयणुमग्ग-लग्गो समागच्छामि ।
एवं च क इवय-पयाणगे हिं पत्ताई महंतमणे ग-सावयगणाइन्नमरन्नमेगं । तत्थ पवणुव्वेल्लिर"-महल्ल-कल्लोल-मालुम्मालियस्स पप्फुल्ल-कमल-परिमल-मिलंतालि-जाल-मुहलस्स सरोवरस्स आसन्न-पएसे दिल्लो आवासो । निसाए समुच्छलिओ अक्वंद-सद्दगब्भि ओ. हाहारव-रउद्दो रायसुयाए आवासम्मि कोलाहलो । 'हा ! किमेयं ?' ति आउलीहूओ सयल-लोओ, पहाविया पहरण- हत्था सुहडसत्था, मिलिया मंति-सामंताइणो । अहं पि सन्नद्ध-पउर-पाइक्क-चक्कपरिवुडो गओ तत्थ । पुट्ठो मए रायलोओ - 'किमेयं ?' ति । कहियं तेण जहा- एत्थ सहीहिं सह विविह-कहाओ कुणंती ‘हा ताय ! माय ! एसा असरणा अहं निज्जामि' त्ति पलावपरा केणइ अदिहेण अवहडा रायधूया ।'
एत्थंतरे विजयसेण-राओ फुरंत-कोववस-विसप्पमाण-भिउडिभीम-भालवहो 'अरे ! को एस दुरप्पा ? कस्स वा सुमरियं कयंतेण ? जो मह पिययमं अवहरइ ?' ति भणंतो कयंत-जीहा-कराल - करवालमायडिऊण उहि ओ सीहासणाओ । सत्थवाहेण चलणेसु लग्गिऊण भणिओ- 'देव ! वित्त-वृत्तंत-कहणमेयं, तो पसायं काऊण देवो आसणमलंकरेउ ।' तओ उवविसिऊण सविलक्खं जंपियं रन्ना'सत्थवाह ! एवमेयं, परं पेम्म-परवस-माणसत्तणेण मए सक्खं पिव लक्खियं ।' सत्थवाहेण वुत्तं- 'तओ रायधूया-गवेसणत्थं पयट्टा समंतओ
Jain Education International
For Private & Personal Use Only
www.jainelibrary.org
