________________
३११
सुमइनाह-चरियं विनत्तमणेहिं जहा- देव ! वत्तमकहिऊण निग्गए तुमम्मि महंतं सोयसंभारं पत्तो मलयकेउदेवो, देवी य विलासवई अणवरय-बाह-सलिलधोय-कवोलमूला ठिया एत्तियं कालं । संपयं पुण अपडुदेहो देवो जाओ । अओ तुम्ह आहवणत्थं पेसिया अम्हे देवेण । इमं च सोच्चा विसनो कुमारो । सव्वाणुभूइ-पउणीकय-करिवरारुढो साहग-समे ओ पत्तो पइहाणं । पणया अणेण जणणि-जणया । निवेसिओ जणएण रज्जे । सयं च पंच-परमेहि-सुमरणपरो परलोगं गओ मलयकेउ राया । एवं पुलकलसो चउण्ह-रज्जाणं जाओ अहिवई । निय-पयाव-सहायं साहगं सेणावइं पेसिऊण साहियाइं तेण अन्लाई पि बहूणि रज्जाइं । आणियाओ पुत्तेहिं समं पुव्व-परिणीय-पत्तीओ | अन्नाओ वि परिणीयाओ पउराओ रायकन्नाओ | भुंजंतस्स तस्स ताहिं समं विसय सुक्खं जाया अवरे वि पवर-पुत्ता । जिण-मुणि-पूया-पहाणस्स तिवग्गसारं रज्जमणुपालयंतस्स अइक्वंता बहवे वास-लक्खा ।
अन्नया तुरय-वाहियालीओ नियत्तेण नयर-मझो मासक्खमणपारणए परियडतो दिहो पुन्नकलसेण एगो महरिसी जो य जूयमेत्त-महि निहिय-लोयण-जओ देह-परिकम्म-रहिओ दया-संजुओ तिव्व-तवसुसिय-वस-मंस-सोणिय-वओ अहि-चम्मावसेसो विसिहव्वओ | तो भत्तिवसुल्लसिय-रोमंचेणं मुत्तूण तुरयं नरिंदेण वंदिओ मुणी । मुणिणा वि अभिणंदिओ सो धम्मलाभेण । तत्तो कहिं पि मए एरिसं समणरुवं दिडं ति चिंतयंतेण सुमरिओ पुव्व-भवो जहा- मह चेव पवन सामन्नस्स तिव्व-तवच्चरणेण सोसियंगस्स एरिसं रूवमासि, तवप्पभावेण सुरलोयसुहं भुंजिऊण इमं रज्जरिद्धिं पत्तो म्हि, ता संपयं तं चेव तवमणुचरिस्सं ति चिंतिऊण भणिओ मुणी- भयवं ! कत्थ तुम्ह गुरुणो ? मुणिणा वुत्तं- इहेव कुसुमसारुज्जाणे पभासायरिया समोसढा चिहति । रन्ना निवेसिओ निय-पए पुन्नकुंभो नाम निय-नंदणो | काराविया जिणहरेसु महिमा । विसेसओ अमारिघोसणा-पुव्वं दिल्नं जहिच्छियं दीणाईण दाणं । महाविभूईए पभासायरिय-पासे पवना दिक्खा ।
काउं इमो तिव्व-तवं विवल्लो सव्वट्ठसिद्धम्मि गओ विमाणे । तओ चुओ लद्ध-मणुस्स-जम्मो महाविदेहे लहिही सिवं पि ।।२२२१|| जीए च्चिय संजुत्तं दाणं सीलं तवं च जीवाण । जायइ निव्वाण-फलं तं भावह भावणं भविणो ||२२२२।।
For Private & Personal Use Only
Jain Education International
www.jainelibrary.org
