________________
૨૧૮
सिरिसोमप्पहसूरि-विरइयं कहिस्संति कुलं । तओ 'अरे ! गेण्हह इम' ति भणंतो गहिय-खग्गो उहिओ नरसिंहो । विविह-पहरण-विहत्थ-हत्था पयहा पहरिउं सुहडसत्था । नरसिंहं विणा थंभिया सव्वे सव्वाणुभूइणा ।
उग्गीरिय-खग्गा के वि के वि चक्कलिय-चंड-कोदंडा । उक्खित्त-मोग्गरा के वि चित्त लिहिय व्व संजाया ||२२१३||
नरसिंहेण 'किं न पहरंति ?'भणिया सुहडा । वुत्तं कुमारणकिमेएहिं किमिप्पाएहिं पाइक्वेहिं ? अहं तुमं च दो वि जुज्झामो । पयट्टा दो वि जुज्ािउं । कहं ?
वग्गंति दो वि हक्वंति दो वि पहरंति दो वि खग्गकरा । दो वि गयणंगणे उप्पयंति निवयंति ते दो वि ||२२१४|| दक्खत्तणओ खग्गेण तरस खग्गं तड ति तोडित्ता ।
नरसिंह-नरिंदो पाडिऊण कुमरेण तो बद्धो ||२२१५।। मुक्ता सिद्ध-गंधव्वे हिं गयणाओ कुमरस्सोवरि कुसुमवुढी । सव्वाणुभूइणा उत्थंभिया सुहडा | पवना कुमार-सरणं । नरसिंहो वि मुक्को सक्वारिउ कुमारेण । भणियं च तेण- कुमार !
जं तुह मए सरूवं अयाणमाणेण अणुचियं भणियं । तेण असच्चरिएणं सक्केमि न दंसिउं वयणं ||२२१६।। ता वणवासं वच्चामि मज्झ गिण्हेसु रज्जसिरिमेयं । नीसेस-विसय-पवरं परिणेसु सुयं व रायसिरिं ।।२२१७।। कुमरेण वुत्तमेयं पालसु रज्जं करेसु मा खेयं । सुहडस्स भूसणं न उण दूसणं रणमहीवडणं ||२२१८।। कल्ला-परिणयण-कए जं तुममाणवसि तं पुण करिस्सं । जम्हा गुरुण वयणं अलंघणिज्जं बुहा बिंति ।।२२११।। रना वुत्तं सच्चं जइ गुरु-वयणं अलंघणिज्जं ते ।
रज्जसिरिं रायसिरिं च दो वि गिण्हसु तुमं ततो ||२२२०।। तओ कुमारेण परिणीया रायसिरी पडिवन्नं च रज्जं । गओ नरसिंहो तवोवणं । कुमारो वि तत्थ नमंत-सामंत-मंति-सेविज्जमाण-पायकमलो पालए रज्जं । सेवए रायसिरीए समं विसए । जाओ कमेण पुत्तो । पइद्वियं तस्स देवसीहो त्ति नामं । अन्नया पिउ-पासाउ समागया पहाण-पुरिसा ।
Jain Education International
For Private & Personal Use Only
www.jainelibrary.org
