________________
૩૧૬
सिरिसोमप्पहसूरि - विरइयं
पयासयंतो विलसंत दंत-कंतीहिं हारं व तवस्सिरीए । घणोह - निग्घोस गहीर-घोसी- - गुरु विधम्मं कहिउंपवत्तो ॥ २११८|| माइंदजालं व विलोलमेयं, वियाणमाणो वि भवस्सरूवं । निव्वाण - मग्गे न पयट्टए जो, दिडेहिं चोरेहिं मुसिज्जए सो || २१११।। माणुस्स - जम्मं लहिउं दुलंभं, गमेइ जो भोगसुहस्स कज्जे । सो वायसुड्डावण-कारणम्मि, खिवेइ चिंतारयणं व मूढो ||२२००|| नियत्तिउं वंछइ भोग-तण्हं, सेवाऍ जो मूढमणो मणुस्सो । समीहए सो जलणस्स तित्तिं, संपाईउं दारु- समुच्चएण || २२०१|| संतोस - सुक्खं स - वसं विमोत्तुं, परव्वसं भोग- सुहं सुहत्थी । संपत्थर जो अमयं चइत्ता, करेइ सो हालहलाहिलासं ॥२२०२॥
-
धम्मं असारेण सरीरएण, जो साहए मोक्ख - सुहेक्क - हेउं । किणेइ सो मत्त - करि खरेण, चिंतामणिं काण - कवडएण || २२०३ || जो पावकम्मुज्जमिं दियाणं, सकज्जलुद्धाण कए करेइ । सो मूढबुद्धी निय-कंठदेसं, हणेइ तिक्खेण कुहाडएणं ||२२०४|| लद्धे नरत्ते व समीहियत्थं, संसाहगे साहइ जो न मोक्खं । पत्तो वि सी रोहणपव्वयम्मि, न लेइ माणिक्कमणग्घमोल्लं ||२२०५ || मोत्तूण जो रज्जमवज्ज - मूलं तवं न कुज्जा सिव- सुक्ख - हेउं । लढूण धत्तूर - तरुं सुरुवखो, सो कप्परुक्खं पि परिच्चएज्जा ||२२०६ ।। एवं गुरूणं वयणं सुणित्ता, नरेसरी जंपर सूरसेणी । धम्मत्थिणो मज्झ तुहोवएसो, वाउ व्व जाओ सिहिणी सहाओ || २२०७।। काऊण तो संपइ रज्जसुत्थं, गिण्हामि दिवखं तुह पाय-मूले । गुरू पयंपेइ महाणुभाव !, मणोरहो सिज्झउ ते अविग्घं ||२२०८ ।। गंतूण गेहम्मि पहाण-लोयं, हक्कारिडं जंपइ सूरसेणो । अहं हि संसार - विरत्तचित्तो, रज्जं विमोत्तूण वयं गहिस्सं || २२0१।। पुत्तो न मे दिव्व-वसेण जाओ, एक्को वि जं रज्जपए ठवेमि । ता संपयं एत्थ निवेसइस्सं, भत्तारमेयं मयणस्सिरीए || २२१०|| रज्जम्मि पुन्नकलसं अहिसिंचिऊण,
तेणेव निम्मविय-निक्खमणप्पवंचे |
For Private & Personal Use Only
Jain Education International
www.jainelibrary.org
