________________
३१५
पावाई दोगच्च - निबंधणाई, भोगत्थिणो जस्स कए कुणति । अभिक्खणं तं पि असारमंग, रोगा विलुंपंति घुण व्व कटुं ||२१८४|| विमोहिया जेण जणा मणम्मि, हियाहियं किं पि न चिंतयंति । तं जीव्वणं झत्ति जरा कराला, दवग्गि- जाल व्व वणं दहेइ || २१८५|| रसायणाइणि कुणंति जस्स, थिरत्तणं-काउमणा मणुस्सा | मयं व वग्घेण गसिज्जमाणं, तं मच्चुणा रक्खइ जीवियं को ? || २१८६ | जीए कए भूरि किलेस जालं, कुणंति मेल्लंति तणं व पाणे । पणस्सए सा सहसा पयंड- वायाहया दीव - सिहि व्व लच्छी ॥ २१८७॥ जेणावलित्तो विसएक्कचित्तो, परित्थि-संगं पि करेइ मूढो । खणेण तं खिज्जइ धाउ-खोहे, हिमागमे पंकरुहं व रूवं || २१८८|| किलिस्सए जस्स कए कुणंतो, विचित्त चाडूणि परस्स जीवो । लढूण थेवं पि विलीय- वन्हिं, विणिज्जए तं मयणं व पेम्मं || २१८१|| किच्चं अकिच्चं व न जम्मि पत्ते, पलोयए पीयसुरो व्व जीवो । पहुत्तणं तु तं पणडे, पुन्ने घणे सेलनई रओ व्व ||२१|| एगत्थ रुक्खे व्व कुटुंबवासे, कालंकियं तं पि खग व्व बंधू | ठाऊण वच्चति चउग्गईसुं, चउद्दिसासुं च सकम्मबद्धा || २१११|| एवं अणिच्चं सयलं पि वत्थं वियाणमाणस्स दुहेक्कगेहे । गे पलित्ते व्व भवम्मि मज्झ, जुत्तो पमाओ न खणं पि काउं || २११२|| एत्तो य पत्तो फल- - फुल्ल - हत्थो, उज्जाणपालो नमिउं भणेइ | सूरी तसत्थावर-जंतु - चत्ते, लीलावणे तुम्ह समागओ त्ति || २११३|| जो तारएहिं व मुणीहिं जुत्तो, निच्छिन्न- सम्मोह - महंधयारी | कारुन्न- पीऊस-पसन्नमुत्ती, चंदो व्व नामेण पसन्नचंदो || २११४|| तं सूरसेणी सुणिऊण तरस, तोसेण दाउं दविणं अणग्धं । गओ गयक्खंध - गओ गुरूणं, नमंसणत्थं गुरु-भत्ति - जुत्ती ||२११५|| उज्जाण - मज्झोवगओ नरिंदो करिंद - खंधाउ समुत्तरेइ । आलोयमेत्तुज्झिय-रायचिंधो, गुरुण पाए पणमेइ सम्मं || २११६।। तो धम्मलाभं भवदाव- दाह-नवंबुवाहं वियरेइ सूरी । नमंसिऊणं मुणिणो विसेसे, राया निसन्नो उचियासणम्मि ||२११७||
For Private & Personal Use Only
सुमइनाह-चरियं
Jain Education International
www.jainelibrary.org
