________________
३१४
सिरिसोमप्पहसूरि - विरइयं
महन्नवस्स पारं ति जंपंतेणं आइडं जहा - कुमार ! हत्थिं खंभे अग्गलिऊण इहागच्छ । कुमारो वि तहेव काऊण पणओ नरिंदरस | रन्ना वि ससिणेहमालिंगिऊण निवेसिओ समासन्न दिन्न - सुवन्नासणे । भणियं च
जइ वि तुमं अप्पाणं कुमार ! अम्हाण न हु पयासेसि । तहवि चरिएण लोउत्तरेण इमिणा पयडिओ सि ॥ २१७६ ।। अप्पाणमपयंडतो वि होइ पयडो गुणेहिं सप्पुरिसो । छन्नो वि चंदण-दुमो किं न कहिज्जइ परिमलेण ? || २१७७॥৷ कुमारेण वुत्तं -
-
जं एसो मत्त करी कुविय कयंतो व्व दुस्सहो वि मए । विहिओ वसमं तं सामि ! तुम्ह चलणाणुभावेण || २१७८||
जं निग्गुणो वि पयडेइ गुणलवं तं गुरुण माहप्पं । पंगू वि गयणमक्कमइ अक्कमंडल - गओ अरुणी ||२१७७ || रन्ना वुत्तं
'वच्छ ! तुम मयणसिरीए सयं चेव परिणीओ, संपयं पुण मए वि तुज्झ इमा दिन्न' त्ति भणिऊण पसत्थ- वत्थेहिं महग्घ- रयणालंकारेहिं करि तुरयाइ - दाणेण सक्कारिऊण विसज्जिओ पवरावासे । कुमारो पत्तो सह मयणसिरीए । इमं च सोच्चा सेणावइ-सचिव-सेट्ठीहिं पि सम्माणपुव्वं समप्पियाओ निय-निय धूयाओ । भुंजए ताहिं समं भोए ।
-
अह अन्नया कुट्टिम - सन्निविड- सुवन्नसीहासण- सन्निसन्नो । नरेसरो पेच्छइ सूरसेणो नहंगणे वब्भयदब्भमब्भं ||२१८०|| कमेण तं सज्जण-संगयं, व वुडिं गयं निब्भर - पूरियासं । गज्जंतमुल्लासिय-विज्जुलेहं, काउं पयहं सहस त्ति वुद्धिं ||२१८१|| एत्यंतरे उल्लसिओ समीरो, कप्पं व कालप्पभवो व्व तिव्वो । समाहयं तेण य तक्खणेण तमक्कतूलं व कहिं पि नहं ||२१८२ | दहूण तं चिंतइ सूरसेणो, वेरग्ग-मग्गोवगओ मणम्मि । लोयम्मि एएण निदंसणेणं, नीसेस-भावाण विणस्सरत्तं ||२१८३||
Jain Education International
For Private & Personal Use Only
www.jainelibrary.org
