________________
३१३
सुमइनाह-चरियं
जो सत्त-करुत्तुंगो नव-कर-दीहो ति-हत्थ-वित्थिन्नो । दस-हत्थ-परीणाहो सत्तंग-पइहिओ भद्दो ||२१७४|| आरोविय-धणुवंसो वीसनहो नह-विलग्ग-कुंभयडो । महुपिंगच्छो लक्खण-सएहि वालेहिं चउहिं जुओ ||२१७५|| गओ गयस्सऽग्गओ कुमारो । हक्किओ अणेण करी । धाविओ तयभिमुहं, पक्खित्तमुत्तरिज कुमारेणऽपरिणओ तत्थ हत्थी आहओ कुलिस-कढिणेण मुहिणा पहि-प्पएसे । चलिओ कुमराभिमुहं करी । भामिओ कुलाल-चक्कं व मंडल-परिब्भमिरेण कुमरेण, परिस्संतो य ठिओ लेप्पमओ व्व निच्चलो मयग्गलो । आरुढो केसरि-किसोरो व्व विज्जुक्खित्त-करणेण करिणो खंधे कुमारो | बद्धमासणं । गयाणुचरेहिं समप्पियं अंकूसं । तओ सलहिज्जतो नायर-जणेण, साहिलासमवलोइज्जमाण-मुहकमलो विलयाहिं, चलिओ रायभवणामिभम्हं । वद्धाविओ य राया लोएहिं जहा-देव ! अमरकुमारागारेण निरुवमविक्कम-गुणागारेण केण य पुरिस-रयणेण हत्थी वसीकओ त्ति । इओ य पहाए दिहा नव-विवाह-नेवच्छा परियणेण रायकन्ना, कहिया जणणीए । तीए वि तहा दहण पुडा-वच्छे ! किमेयं ? | जाव न किंपि जंपइ मयणसिरी ताव कहियं सव्वं पि वियक्खणाए । देवी वि वियक्खणाए समं गया रन्नो समीवं । विन्नत्तमिणं जहा- देव ! दंडवइ-मंति-सिहि-धूयाहिं समं मयणसिरीए एगत्थ-पढणेण जाओ अच्चंत-सिणेहो । एयाहिं च परोप्पर-विरह-कायराहिं पइहाणपुर-पहुणो मलयके उणो पुत्तो पुल कलसो नाम भवियन्वया-वसेण अज्ज रयणीए परिणीओ । रन्ना वुत्तं- ममावि एसो चेव मणोरहो आसि । परं रहसग्गलेण एवमाइडं जहाजो इमं हत्थिं वसीकरेइ तस्स मए मयणसिरी दायव त्ति | ता संपयं पइल्ला इमा कहं नित्थरियव्व ति चिंताउरो जाव चिट्ठइ राया ताव पत्तो रायभवणंगणे कुमारो । दिहो रन्ना । अहो ! असरिसी रूव-संपया, अहो ! निरुवमो विक्कमो इमस्स | ता को एसो ? ति | विन्नत्तं वियक्खणाएदेव ! एसो चेव पुलकलसो जेण अज्ज रयणीए परिणीया मणयसिरी । पहाण-पुरिसे हिं भणियं - जुज्जए एयं, जओ एसो नवविवाहकं कणालंकिय-करो दीसइ त्ति । रन्ना वुत्तं- सोहणं संपन्नं । जं पुन्नकलस-कुमारेणं चेव हत्थी वसीकओ । अओ पत्तोहं संपयं पइन्ना
Jain Education International
For Private & Personal Use Only
www.jainelibrary.org
