________________
३१२
ससिकलाए वृत्तं -
तुह मुह- चंदरस पलोयणेण अम्हाण माणस - समुद्दे ।
तह सुहय ! समुल्लसिओ विरमिस्सइ जह न कईया वि || २१६७ ||
सिरिसोमप्पहसूरि - विरइयं
महुसिरीए भणियं
निय - निय- घरेसु अम्हं वच्चंतीणं सरीरमेत्तेण ।
ठाही मणं तुहच्चिय पासे बद्धं तुह गुणेहिं ||२१६८ ||
एवं भणिऊण गयाओ निय-निय ठाणेसु सव्वाओ ।
पहाए अत्थाण-मंडव - निसन्नस्स रन्नो विन्नत्तं पडिहारेण देव ! आलाण- खंभं उम्मूलिऊण वियरिओ मत्त - हत्थी, पयट्टोऽसमंजसं काउं । तहाहि
खणु पवणु व्व गुरुवेगेण जाइ, खणु निच्चलंगु सेलो व्व ठाइ । खणु गिंभु व रयभरु विक्खिरेइ, खणु घणु व गज्जिओ वित्थरेइ || २१६१||
पडिहारं हणइ घण-जव मरह, मुसुमूरइ तरल-तुरंग थहं । मूलइ मूलह विवि-वग्ग, मेढ - हट्ट - भवणं भंजइ समग्ग || २१७०।। न गणेइ बालु विलवंतु करुणु, संहरइ तार- तरलच्छु तरुणु । छड्डइ न बुहु कंपिर- सरीरु, महिला समूहु मारइ अभीरु ||२१७१ || नव वारइ निदणु न हु धणडु परिहरइ न मुक्खु न वा वियड्डु | उक्खिविय वियडु दढ - सुंड - दंडु, तं दंड - पाणि जसु कोव - चंडु ॥ २१७२॥ इय कय- असमंजसु कोव-परव्वसु मयजल सिंचिय-महिवलउ । तु मत्त मयालु भमिरु निरग्गलु कुणइ अकालि वि पुरि पलउ || २१७३ || रन्ना वुत्तं- जो इमं वसीकरेइ तस्स मयणसिरिं धूयं देमि । तं सोऊण पयट्टा पयंड-पोरुसुब्भडा बहवे सुहडा । गया गइंदस्स पासे । ते तस्स पज्जलिय जलणस्स व तेयमसहमाणा ठिया दूरओ । इओ य कुमारो सुत्त विउद्धो करि वुत्तंतं मुणिऊण करिसिक्खा - वियक्खणत्तणेण कोउगक्खित्त-चित्तो पत्ती तयभिमुहं । दिट्ठो तेण हत्थी ।
Jain Education International
—
For Private & Personal Use Only
www.jainelibrary.org
