________________
३०१
सुमहनाह-चरियं कयनामो वडिउं पवत्तो । अन्न या कुमारेण वुत्तो मित्तसेणो-मित्त । देसंतरदंसण-कोउगं मे महंतमत्थि । निच्च-सन्निहिएण जंपियं जक्खेण'जइ एवं ता हत्थि-खंधमारोहसु जेण तं पूरेमि'त्ति भणिऊण कुमारो समारोविओ समं मित्तसेणेण सह हत्थि-खंधे । पयट्टो पुव्व-कमेण गणयंगणे गंतुं । गामागर-नगर-गिरि-सरि-सरोवर-विरायमाणं मेइणीवलयमवलोयंतो पत्तो कंचणमय-पायार-परिक्खित्तं कंचणपुरं । जं फलिह-विणिम्मिय-पढम-भूमि-उवरि-हिएहिं भवणेहिं गयण-गएहिं व मणि भासुरेहिं सुरपुर-सिरिं वहइ । तं च दहण भणिओ पुन्नकलसेण जक्खो- सव्वुत्तमं नयरमेयं । ता इमस्स दंसणेणं करेमो नयण-निम्माणं सहलं । ‘एवं करेह' त्ति भणंतेण जक्खेण उत्तारिया हत्थि-खंधाओ कुमारसाहगा । तिरोहिओ जक्खो । ते वि पविट्ठा पुरब्भंतरं । कोउगविखत्त-चित्ता सयल-वासरं पेच्छिऊण नयर-सिरि रयणीए पसुत्ता मयण-देवउले |
एत्तो य तम्मि नयरे राया रिउ-निद्द-निद्दलण-सूरो । नामेण सूरसेणो सूरो व्व पयाव-दुव्विसहो ।।२१४१।। तस्सऽत्थि वसंतसिरी देवी तीए य कुक्खि-संभूया । तइलोक्छ-तिलयभूया धूया नामेण मयणसिरी ||२१५०।। तीए वयंसियाओ कामलया-ससिकला-महुसिरीओ । दंडाहिव-मंति-पहाण-सेहि०-धूयाओ जह-संखं ॥२१५१|| . तत्थऽत्थि उवज्झाओ विज्जाणंदो त्ति विबुह-विक्खाओ । तस्स समीवे सम्म कुणंति ताओ कलग्गहणं ॥२१५२|| अह तत्थ सत्थवाहो वेसमण-समाण-रिद्धि-वित्थारो । सागरदत्तो नामेण सागरो गुरु-गुण-मणीणं |२१५३।। तस्स य समुद्ददत्तो पुत्तो पुत्तो व्व जलहि-धूयाए । सो वि कलाओ गेण्हइ विज्जाणंदरस पासम्मि ||२१५४|| पडिदियह-दसणेणं सहास-वीसंभ-"जपणेणं च | कन्लाण ताण जाओ समुद्ददत्तम्मि अणुराओ ||२१५५।। जओअइ दंसणाओ पीई पीईए रई रईइ वीसंभो । वीसंभाओ पणओ पंचविहो वट्टए मयणो ||२१५६।।
Jain Education International
For Private & Personal Use Only
www.jainelibrary.org
