________________
३०७
सुमइनाह-चरियं
वासहरमेरिसं सो संपत्तो कामसेण-नरनाहो ।
करगहण-समय-संजाय-पुरिस-संका-कलिय-हरिसो ||२१३८।। विसज्जिऊण परियणं निविहो सीहासणे । सज्झसवसेण जाव न किंचि जंपइ ताव हसिऊण वृत्तं पुन्नकलस-कुमारेण-कमलच्छि ! एत्तियकालं तुमए पुरिसवेसेण भोलविओ मुद्ध-जणो । छइल्ल-जणो उण न पारीयइ पयारिउं | ता संपयं परिच्चय पुरिस-वेसं । कामसेणाए वुत्तं- तुमं पि परिच्चय इत्थी-वेसं । कुमारेण वुत्तं- कहं तए पुरिसो त्ति जाणिओ हं? | तीए वुत्तं- करगहण-समए फरिस-विसेसेण | अहं पुण तए कहं महिल ति लक्खिया ? | अक्खिओ जवख-वुत्तंतो कुमारेण । जायाई दोवि पयइरूवाइं।
अवरोप्परं नियंताणि ताणि रुवं सहाव-रमणिज्जं । दोन्नि वि अणमिस-नयणाई अमर-मिहुणं विडंबंति ॥२१३१।।
इत्थी पुरिसो जाओ त्ति विम्हिया, अहो ! मे दिव्वमणुकूलं ति तुहा, .. चिराओ सणाहा जाय ति निब्भया, इत्थीए पुरिसत्तणं दुघडं मन्नंतस्स जणरस किमुत्तरं करेस्सं ति सविसाया, रुवाइ-गुणेहिं ममब्भहिओ त्ति सलज्जा, मह कडक्ख-लक्खीकओ कामाउरो जाओ ति गम्विया, पढम समागमो त्ति ससज्झसा, किमित्थ होहि त्ति सवियक्का, पइरिक्वे लदो त्ति ऊसुया, कहं तोसियव्वो त्ति चिंताउरा- एवं विविह-वियप्प-संकुल-मणा ओणयमुही भणिया कुमारेण
उन्नामहि मुहचंदु मुद्धि ! बंदिणउ पयदृउ, संमुहु पिच्छि मयच्छि ! कमल-दल-बुट्टि विसदृउ । जंपसु किंपि सकं पि दप्पु परहुय परिवज्जउ, पयइहि तणु तणुयंगि ! कणगु कालिम पडिवज्जउ ||२१४०।। इय भणिउं पल्लंकंम्मि कामसेणा निवेसिया तेण । अणुवत्तिया य तह जह जाया रइ-समर-सोंडीरा ||२१४१।। सा सुहमय व्व रयणी अणुरायमइ व्व पमयमईय व्व । अनोन्न-मंतिताणं ताणं खणद्धं व वोलीणा ||२१४२।। तओ पढियं मागण
Jain Education International
For Private & Personal Use Only
www.jainelibrary.org
