________________
सिरिसोमप्पहसूरि-विरइयं एत्थंतरे चिंतियं मए-'समग्ग-समर-संरंभ-लद्धविजये विजयसेणे "महारायम्मि निरुवम-रूवरेहोहामिय-मयणे विज्जमाणे२७ किं राइणो चिंता संतावमुप्पाएइ ?' | मंतिणा भणियं-'देव ! “अलमित्थ चिंताए । निउणो विही ।
जेणेसा ओहामिय-मयणवह निम्मिया मयंकमुही । सो च्चिय विही इमीए वरमुचियं काउमुज्जमिही ।।६३।। जुण्हा तुसार-किरणे रयणायरम्मि
मंदाइणी जलहरम्मि वि विज्जुलेहा । जम्हा परस्स किमु कस्सइ पत्थणाए,
संजोइया भयवया चउराणणेण ? ||६४|| अवि य- संखउर-सामिणो विजयसे णस्स अहरिय-रइरमणरम्मत्तण- गुणुक्करिसो रूव-पगरिसो सुणीयइ, ता सत्थवाहो ‘अवितहमेयं न व ?' 'त्ति पुच्छीयउ' | तओ 'साहु मंती संलवइ'त्ति जंपिऊण भणियं रन्ना'सत्थवाह ! संखउर-सामिणो के रिसी रूव-संपय?'त्ति । सत्थवाहेण भणियं- देव ! नूणं अणन्नसम-रूव-पसंसम्मेि ,
अन्नं मुहं महइ जस्स चउम्मुहो वि । एक्वेग तस्स किमहं मुह-पंकएण,
कित्तेमि कित्तिनिहिणो नणु रुव-सोहं || ६५|| तहावि एत्तियं भणामितेलोक्के वि तमत्थि वत्थु न परं जं तस्स सव्वप्पणा,
पाविज्जा खिल-लोय-लोयण-सुहासाररस तुल्लत्तणं । जे पंकेरुह-कुंद-चंद-पमुहा ते तस्स तेयस्सिणो,
एक्वेक्वरस वि अंगयस्स पुरओ दीसंति दासा इव ||६६।। एसा वि समत्त-रमणि-मत्थय-माणिक्क भूया धूया, ता देव ! एवं तक्के मिजइ सयल-तिलोए" लोयणच्छेरभूयं,
कहवि मिहुणमेयं नो विही संघडेजा । अइसय-रमणिज्जं रूवमेयम्मि काउं,
नणु विहलपयत्तो नूण सव्वो य होही ।।६७।।
Jain Education International
For Private & Personal Use Only
www.jainelibrary.org
