________________
सुमइनाह-चरियं
जस्सिं पंकरहाई कोसविगमं पावंति मित्तोदए
विच्छायं कुमुयं मयंक-किरणा दोसागमुल्लासिणो । उच्चालाणवसंगया' मयगला दुव्वासणासंगिणो
गोवग्गा तरुणा करप्पियसुरा-मंसा, न सेसो जणो ||१७|| तम्मि काऊण सत्थ-सन्निवेसं ठिओ बाहि । गहिऊण पाहुडं पत्तो नयरब्भंतरं । गओ राय-भवणं । पडिहार-निवेइओ पविहो रायत्थाणं । पणमिओ मए महंत-सामंत-मंति-मंडलिय-लोय-मज्ावत्ती पुन्निमामयंको व्व तार-तारय-परिवारो तारावीढो नाम राया । उचियासणोवविहो य पुढो राइणा-'सत्थवाह ! सागयं ते !'। मए भणियं- 'तुम्ह दंसणेण' | पुणो वि रत्ना पयंपियं-'भद्द ! कत्तो तुमं समागओ ?' | मए भणियं-'देव ! संखउराओ' ।
एत्थंतरे समागया तत्थ समत्त-लोय-लोयणाणंद-संदोहदाइ-दंसणा सुदंसणा नाम निरुवम-रूवरेहाए सुर- रमणीणं पि कयावन्ना रायकन्ना |
जसु सलूण-लोयणाइं पलोइवि लज्जियइं,२ ___गय वणि हरिण नाइ जलि कुवलय मज्जियइं। नं जसु निरुवम-रूवु निरूविवि लज्जभरि,
गउरि हरंगि निलुक्वी लच्छी किवण-घरि ||८|| एत्थंतरे विजयसेण-रला चिंतियं-अहो ! अच्छरियं ।
सवण-विसयं पि पत्ता जा कुणइ पमोयमेरिसं बाला । सा दिहिगोयर-गया किं मह काही ? न याणामि ||५|| जइ सउणाण त पक्खा विणिम्मिया होज्ज माणसाणं पि । कीरव्व तत्थ गंतुं ता" सहलं नयण-निम्माणं ||६०||
एवं चिंतंतण रन्ना भणियं-'सत्थवाह ! तओ तओ ?' | सत्थवाहेण जंपियं- 'देव ! सा रायकलगा पणमिऊण रायाणं निसला तत्थेव । तं सव्वंगमालोइऊण भणिओ रन्ना मइसार मंती
एसा असरिस-रूवा विहिणो विन्नाण-पगरिसो एस । तं नूणमित्तियं चिय दलं इमा जेण निम्मविया ||६१।। ता" होज्ज किं इमीए उचिओ रुवाइएहिं कोइ वरो ? | इय चिंता संतावइ वियंभमाणा मणं मज्ा ।।६२।।
Jain Education International
For Private & Personal Use Only
www.jainelibrary.org
